ମୋଟାପଣ ସମସ୍ୟା ଦୂର ପାଇଁ ଯୁବପିଢୀଙ୍କୁ ସ୍ୱାସ୍ଥ୍ୟମନ୍ତ୍ର ଦେଲେ ପ୍ରଧାନମନ୍ତ୍ରୀ

ଆଜି ମନ କି ବାତରେ ଦେଶବାସୀଙ୍କୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ସମୟରେ ଯୁବପିଢୀଙ୍କୁ ସ୍ୱାସ୍ଥ୍ୟମନ୍ତ୍ର ଦେଇଛନ୍ତି ପ୍ରଧାନମନ୍ତ୍ରୀ । ସେ କହିଛନ୍ତି ଏବେ ଯୁବପିଢିଙ୍କ ଭିତରେ ମୋଟାପଣ ଏକ ବଡ଼ ସମସ୍ୟା ହେଲାଣି । ଏକ ସୁସ୍ଥ ଏବଂ ସୁସ୍ଥ ରାଷ୍ଟ୍ର ହେବା ପାଇଁ, ଆମକୁ ମୋଟାପଣ ସମସ୍ୟାର ମୁକାବିଲା କରିବାକୁ ପଡିବ । ମୋଟାପଣ କମାଇବାକୁ ହେଲେ ଆମକୁ ଖାଦ୍ୟରେ ପରିବର୍ତ୍ତନ ଜରୁରୀ ।ପ୍ରତିଦିନ ଖାଦ୍ୟରେ କମ୍‌ ତେଲ ଖାଇବାକୁ ଚେଷ୍ଟା କରନ୍ତୁ ।

ଏଥିସହ ସେ କହିଛନ୍ତି, ଆମେ ସମସ୍ତେ ମିଶି ଛୋଟ ଛୋଟ ପ୍ରୟାସ ମାଧ୍ୟମରେ ଏହି ଚ୍ୟାଲେଞ୍ଜର ମୁକାବିଲା କରିପାରିବା । ଯେମିତିକି ରନ୍ଧା ତେଲ ବ୍ୟବହାରକୁ ୧୦ ପ୍ରତିଶତ କମ୍ କରିବା । ତୁମେ ପ୍ରତି ମାସରେ ୧୦ ପ୍ରତିଶତ କମ୍ ତେଲ ବ୍ୟବହାର କରିବ ବୋଲି ନିଷ୍ପତ୍ତି ନେବ । ଖାଇବା ପାଇଁ ତେଲ କିଣିବା ସମୟରେ ତୁମେ ନିଷ୍ପତ୍ତି ନେଇପାରିବ ଯେ ତୁମେ ପୂର୍ବପେକ୍ଷା ଏହାର ୧୦ ପ୍ରତିଶତ କମ୍ କିଣିବ । ଏହା ମୋଟାପଣ ହ୍ରାସ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ ବୋଲି କହିଛନ୍ତି ମୋଦି । ଏଥି ସହ ନିଜେ ମୋଟାପଣ କମାଇବା ଚେଷ୍ଟା କରିବା ସହିତ ୧୦ ଜଣଙ୍କୁ କମାଇବାକୁ ପରାମର୍ଶ ଦେବାକୁ ମନ କି ବାତ୍ କାର୍ଯ୍ୟକ୍ରମରେ କହିଛନ୍ତି ପ୍ରଧାନମନ୍ତ୍ରୀ ।