ପହଲଗାମ ଆକ୍ରମଣକୁ ବର୍ଷେ ବିତିଥିବାବେଳେ ପୁଣି ସେହି ଷ୍ଟାଇଲରେ ଆକ୍ରମଣ ହୋଇଥିବା ଦେଖିବାକୁ ମିଳିଛି । ମୁମ୍ବାଇରେ ଧର୍ମ ଏବଂ ସେମାନେ କଲମା ପାଠ କରିପାରିବେ କି ନାହିଁ ପଚାରିବା ପରେ ଦୁଇ ଜଣ ସୁରକ୍ଷାକର୍ମୀଙ୍କ ଉପରେ ମରଣାନ୍ତକ ଆକ୍ରମଣ ହୋଇଛି । ଏହାର ପୋଲିସ ମୁମ୍ବାଇର ଜୈଦ ଜୁବେର ଅନସାରୀ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି । ସୂଚନା ମୁତାବକ, ରାଜକୁମାର ମିଶ୍ର ଏବଂ ସୁବ୍ରୋତୋ ସେନ ୱାକହର୍ଦ ହସ୍ପିଟାଲ ନିକଟରେ ଏକ ନିର୍ମାଣଧୀନ କୋଠାର ସୁରକ୍ଷାରେ ନିୟୋଜିତ ହୋଇଥିଲେ । ଏହା ସମସୟରେ ଜୈଦ ଅନସାରୀ ପ୍ରଥମେ ଉଭୟଙ୍କର ଧର୍ମ ଏବଂ ସେମାନେ କଲମା ପାଠ କରିପାରିବେ କି ନାହିଁ ପଚାରିଥିଲା। ମାତ୍ର ସେମାନେ କଲମା ପଢ଼ି ନ ପାରିବାରୁ ଛୁରୀରେ ମରଣାନ୍ତକ ଆକ୍ରମଣ କରିଛି । ରାଜକୁମାର କୌଶଳ କ୍ରମେ ଖସି ପଳାଇ ଆସିଥିଲେ । ମାତ୍ର ସୁବ୍ରୋତୋ ସେଠାରେ ପଡ଼ିଯାଇଥିଲେ । ଅନ୍ୟ ଜଣେ କର୍ମଚାରୀ ନାୟବ ଶୈଖ କାମକୁ ଫେରିବା ପରେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲା । ଉଭୟଙ୍କ ଗୁରୁତର ଅବସ୍ଥାରେ ଉଦ୍ଧାର କରି ମେଡ଼ିକାଲରେ ଭର୍ତ୍ତି କରାଯାଇଛି । ପୋଲିସ ସିସିଟିଭି ଫୁଟେଜ ଆଧାରରେ ଅଭିଯୁକ୍ତ ଅନସାରୀକୁ ଗିରଫ କରିଛି । ନୟା ନଗର ପୋଲିସ ତାକୁ ନିଜ ହେପାଜତକୁ ନେଇଛି । ସେପଟେ ଏଟିଏସ୍ ଏହି ମାମଲାରେ ପ୍ରବେଶ କରିଛି । ଅଭିଯୁକ୍ତ ଘର ତଲାସୀ ବେଳେ ମୋବାଇଲ, ବୈଦ୍ୟୁତିକ ଉପକରଣ ଏବଂ କିଛିଟା ହାତଲେଖା ନୋଟ୍ ଜବତ କରିଛି । ତଦନ୍ତରୁ ଜଣାପଡିଛି ଯେ ଅଭିଯୁକ୍ତ ଜୈଦ ଜୁବୈର ଅନସାରୀ ମୁମ୍ବାଇର କୁର୍ଲା ଅଞ୍ଚଳର ମୂଳ ବାସିନ୍ଦା । ସେ ବିଜ୍ଞାନରେ ସ୍ନାତକ ହାସଲ କରିବା ପରେ ୨୦୧୦ ରୁ ୨୦୧୯ ପର୍ଯ୍ୟନ୍ତ ଆମେରିକାରେ ରହିଥିଲା। ଆମେରିକାରେ ଚାକିରି ପାଇବାରେ ବିଫଳ ହେବା ପରେ, ସେ ୨୦୧୯ ରେ ଭାରତ ଫେରି ଆସିଥିଲା ଏବଂ ମୀରା ରୋଡରେ ଏକା ରହୁଥିଲେ। Post navigation No Alliance Between BJD And Congress: ଓଡ଼ିଶାରେ ପଞ୍ଚାୟତ ନିର୍ବାଚନରେ ସ୍ୱାଧୀନ ଭାବରେ ଲଢ଼ିବ ବିଜେଡି: ପ୍ରସନ୍ନ ଆଚାର୍ଯ୍ୟ Heat Wave Centers: ଖୁବଶୀଘ୍ର ଖୋଲିବ ହିଟ୍ ୱେଭ୍ ସେଣ୍ଟର: ମନ୍ତ୍ରୀ
