ଭୁବନେଶ୍ବରରେ ଆମ ବସ୍ ଧକ୍କାରେ ବାଇକ୍ ଆରୋହୀ ଯୁବକଙ୍କ ମୃତ୍ୟୁ । ବାଇକ୍ରେ ଯାଉଥିବା ବେଳେ ପଛ ପଟୁ ଧକ୍କା ଦେଲା ଆମ ବସ୍ । ସତ୍ସଙ୍ଗ ବିହାର-ବାଣୀବିହାର ମଝିରେ ହୋଇଛି ମର୍ମନ୍ତୁଦ ଦୁର୍ଘଟଣା । ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଦେଖିବାକୁ ମିଳିଛି । ସୂଚନା ଅନୁସାରେ; ସତସଙ୍ଗ ବିହାର ନିକଟ ହାଇଓ୍ଵେରେ ରବିବାର ପ୍ରାୟ ୪ଟା ୩୦ରେ ଆମ ବସ୍ ଗୋଟେ ବାଇକକୁ ଧକ୍କା ଦେଇଥିଲା । ଯାହା ଫଳରେ ତାଙ୍କ ମୁଣ୍ଡ ଏବଂ କାନ୍ଧରେ ଗୁରୁତର ଆଘାତ ଲାଗିଥିଲା। ଫଳରେ ଘଟଣା ସ୍ଥଳରେ ହିଁ ବାଇକ୍ ଚାଳକଙ୍କର ମୃତ୍ୟୁ ହୋଇଛି । ଏହାକୁ ଘଟଣା ସ୍ଥଳରେ ଉତ୍ତେଜନା ସୃଷ୍ଟି ହୋଇଛି । ସ୍ଥାନୀୟ ଲୋକେ ଆମ୍ ବସ୍ ଡ୍ରାଇଭରକୁ କାବୁ କରି ପୋଲିସ ଜିମା ଦେଇଛନ୍ତି । ଏହା ସହିତ ତା ପଛକୁ ପଛ ଆସୁଥିବା ଅନ୍ୟ ୮ଟି ଆମ ବସକୁ ଅଟକ ରଖିଛନ୍ତି । ଦୁର୍ଘଟଣାସ୍ଥଳରୁ ଆମ ବସ୍ ଡ୍ରାଇଭରଙ୍କୁ ପୋଲିସ ଅଟକ ରଖିଛି । ସୂଚନା ପାଇବା ପରେ ସହିଦ ନଗର ପୋଲିସର କର୍ମଚାରୀ ଦୁର୍ଘଟଣାସ୍ଥଳରେ ପହଞ୍ଚିଥିଲେ। ଘଟଣା ପରେ ସମ୍ଭାବ୍ୟ ଜନ ଅସନ୍ତୋଷ ଆଶଙ୍କା ମଧ୍ୟରେ କର୍ତ୍ତୃପକ୍ଷ ପରିସ୍ଥିତିକୁ ନିୟନ୍ତ୍ରଣ କରିବା ଏବଂ କୌଣସି ଅଶାନ୍ତିକୁ ରୋକିବା ପାଇଁ ତୁରନ୍ତ କାର୍ଯ୍ୟ କରିଥିଲେ। ଦୁର୍ଘଟଣା ଯୋଗୁଁ ବ୍ୟସ୍ତବହୁଳ ସ୍ଥାନରେ ବ୍ୟାପକ ଟ୍ରାଫିକ୍ ଜାମ୍ ସୃଷ୍ଟି ହୋଇଥିଲା, ଘଟଣାସ୍ଥଳରେ ବହୁ ସଂଖ୍ୟାରେ ଲୋକ ଜମା ହୋଇଥିଲେ। ପୋଲିସ ରାସ୍ତା ସଫା କରିବା ଏବଂ ସ୍ୱାଭାବିକ ଟ୍ରାଫିକ୍ ଚଳାଚଳକୁ ପୁନଃସ୍ଥାପିତ କରିବା ପାଇଁ କାର୍ଯ୍ୟ କରିଥିଲା। ଦୁର୍ଘଟଣାର ସଠିକ୍ କାରଣ ଜାଣିବା ପାଇଁ ତଦନ୍ତ ଆରମ୍ଭ ହୋଇଛି, ଯେଉଁଥିରେ ଅଧିକ ଗତି କିମ୍ବା ଅବହେଳା ଭୂମିକା ଗ୍ରହଣ କରିଛି କି ନାହିଁ। ଅଧିକାରୀମାନେ ମୃତକଙ୍କୁ ଚିହ୍ନଟ କରିବା ଏବଂ ପରିବାରକୁ ଜଣାଇବା ପାଇଁ ମଧ୍ୟ କାର୍ଯ୍ୟ କରୁଛନ୍ତି। Post navigation Youth Attacked with Sharp Weapon: କଣାସରେ ଯୁବକକୁ ହାଣିବା ସହ ଗାଡ଼ି ଚଢ଼ାଇ ଦେଲେ ଦୁର୍ବୃତ୍ତ
