ଜାମ୍ମୁ-କାଶ୍ମୀର ପାଇଁ ରାଜ୍ୟ ମାନ୍ୟତା ଫେରିବା ଦାବିରୁ ଓହରି ନାହୁଁ; କିନ୍ତୁ ଏବେ ସେ ସମୟ ନୁହେଁ: ଓମାର ଅବଦୁଲ୍ଲା

କେଉଁ ମୁହଁରେ ରାଜ୍ୟ ମାନ୍ୟତା ମାଗିବି । ଆଜି ବିଧାନସଭା ସ୍ବତନ୍ତ୍ର ଅଧିବେଶନରେ ଏହି ପରି କହିଛନ୍ତି ଜାମୁ ଓ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା  । ସେ କହିଛନ୍ତି ଏବେ ଜାମ୍ମୁ-କାଶ୍ମୀର ପାଇଁ ରାଜ୍ୟ ମାନ୍ୟତା ଦାବି ସମୟ ନୁହେଁ । ରାଜ୍ୟ ମାନ୍ୟତା ଫେରିବା ଦାବିରୁ ଓହରି ନାହୁଁ, ମାତ୍ର ଏବେ ନୁହେଁ । ଯଦି ମୁଁ ଶସ୍ତା ରାଜନୀତି କରିଥାନ୍ତି ତାହେଲେ ଏପରି ଦାବି କରିପାରନ୍ତି । ପହଲଗାମ୍‌ ଘଟଣା ପରେ କେଉଁ ମୁହଁରେ ମୁଁ ରାଜ୍ୟ ମାନ୍ୟତା ମାଗିବି । ଅତୀତରେ ରାଜ୍ୟ ମାନ୍ୟତା ମାଗିଛି, ଭବିଷ୍ୟତରେ ମାଗିବି, ଏବେ ନୁହେଁ ।

ହମଲାକୁ କଡା ଭାଷାରେ ନିନ୍ଦା କରିଛନ୍ତି ଓମାର ଅବଦୁଲ୍ଲା କହିଛନ୍ତି ଆତଙ୍କୀ ଆକ୍ରମଣରେ ମୃତାହତଙ୍କ ପରିବାରକୁ କେଉଁ ଭାଷାରେ କ୍ଷମା ମାଗିବି ଭାଷା ପାଉନି । ମୁଖ୍ୟମନ୍ତ୍ରୀ ଓ ପର୍ଯ୍ୟଟନ ମନ୍ତ୍ରୀ ଭାବରେ, ଆମେ ଲୋକମାନଙ୍କୁ ଏଠାକୁ ଆସିବାକୁ ନିମନ୍ତ୍ରଣ କରିଥିଲୁ । ଆବାହକ ଭାବରେ, ସମସ୍ତଙ୍କୁ ଏଠାରୁ ସୁରକ୍ଷିତ ଭାବରେ ପଠାଇବା ମୋର ଦାୟିତ୍ୱ ଥିଲା । ପଠାଇପାରିଲି ନାହିଁ । ପହଲଗାଓଁ ଆକ୍ରମଣ ଭାରତ ଉପରେ ଆକ୍ରମଣ। ଏହି ଆକ୍ରମଣକୁ ନିନ୍ଦା କରିବା ଲାଗି ଭାଷା ନାହିଁ। ଦୀର୍ଘ ବର୍ଷ ପରେ ଏପରି ବଡ଼ ଆକ୍ରମଣ କରାଯାଇଛି ଯାହାକି ନିନ୍ଦନୀୟ।