ସିଲିକନ୍ ପ୍ରତିମୂର୍ତ୍ତି ମାଧ୍ୟମରେ ସ୍ତ୍ରୀଙ୍କ ସ୍ମୃତିକୁ ସାଇତି ରଖିଛନ୍ତି ସ୍ୱାମୀ

୨୦୨୧ ଏପ୍ରିଲରେ ବ୍ରହ୍ମପୁରର ଜଣେ ବ୍ୟବସାୟୀ ପ୍ରଶାନ୍ତ କୁମାର ନାୟକ (୫୨)ଙ୍କ ପତ୍ନୀ କୋଭିଡରେ ପ୍ରାଣ ହରାଇଥିଲେ। ସେ ତାଙ୍କ ସ୍ବର୍ଗତ ପତ୍ନୀଙ୍କ ଏକ ସିଲିକନ ପ୍ରତିମୂର୍ତ୍ତି ଘରକୁ ଆଣିଥିଲେ। ବ୍ୟବସାୟୀ ପ୍ରଶାନ୍ତ କୁମାର ନାୟକଙ୍କ ସ୍ବର୍ଗତ ପତ୍ନୀ କିରଣଙ୍କ ଶାଢ଼ି ପିନ୍ଧିଥିବା ପ୍ରତିମୂର୍ତ୍ତିକୁ ତାଙ୍କ ଲିଭିଂ ରୁମର ଏକ ସୋଫାରେ ରଖାଯାଇଛି।

ବେଙ୍ଗାଲୁରୁର ଜଣେ ମୂର୍ତ୍ତିଶିଳ୍ପୀ ଫାଇବର, ରବର ଏବଂ ସିଲିକନ୍ ବ୍ୟବହାର କରି ଏହି ଜୀବନ୍ତ ପ୍ରତିମୂର୍ତ୍ତି ତିଆରି କରିବାକୁ ପ୍ରାୟ ଦେଢ଼ ବର୍ଷ ସମୟ ନେଇଥିଲେ, ଯାହାର ମୂଲ୍ୟ ପାଖାପାଖି ୮ ଲକ୍ଷ ଟଙ୍କା ବୋଲି ପ୍ରଶାନ୍ତ କହିଛନ୍ତି।

ଦମ୍ପତିଙ୍କ ବଡ଼ ଝିଅ ବାହାଘର ପୂର୍ବରୁ ସେମାନଙ୍କ ଘରେ ଏହି ପ୍ରତିମୂର୍ତ୍ତି ସ୍ଥାପନ କରାଯାଇଥିଲା ଏବଂ ପରିବାର ଲୋକଙ୍କୁ ସବୁବେଳେ କିରଣଙ୍କ ଉପସ୍ଥିତି ଅନୁଭବ କରିବାରେ ସାହାଯ୍ୟ କରିଥାଏ । ପ୍ରଶାନ୍ତ ଓ କିରଣ ୧୯୯୭ରେ ବିବାହ କରିଥିଲେ ଏବଂ ସେମାନଙ୍କର ଦୁଇ ଝିଅ ଓ ଗୋଟିଏ ପୁଅ ସମେତ ତିନୋଟି ସନ୍ତାନ ଅଛନ୍ତି। ସେମାନଙ୍କ ସାନ ଝିଅ ମେହକ ବାରମ୍ବାର ଶାଢ଼ି ଏବଂ ଅଳଙ୍କାର ପରିବର୍ତ୍ତନ କରି ପ୍ରତିମୂର୍ତ୍ତିର ଯତ୍ନ ନିଅନ୍ତି ।

ଆମେ ମୂର୍ତ୍ତିଶିଳ୍ପୀଙ୍କୁ ଆମ ମା’ଙ୍କ ଅନେକ ଫଟୋ ଦେଇଥିଲୁ, ବେଙ୍ଗାଲୁରୁ ଗସ୍ତ କରିଥିଲୁ ଏବଂ ଭିଡିଓ କଲରେ ତାଙ୍କ ସହ ପରାମର୍ଶ କରିଥିଲୁ ବୋଲି ମେହକ କହିଛନ୍ତି। ପରିବାର ଲୋକ ଖୁସି ଅଛନ୍ତି ଏବଂ ସେମାନଙ୍କ ଘରେ ସ୍ଥାପିତ ପ୍ରତିମୂର୍ତ୍ତି ଚାରିପାଖରେ କିରଣଙ୍କ ଉପସ୍ଥିତି ଅନୁଭବ କରୁଛନ୍ତି । ସେମାନେ ମୂର୍ତ୍ତିଶିଳ୍ପୀଙ୍କୁ ତାଙ୍କ କାର୍ଯ୍ୟ ପାଇଁ ଧନ୍ୟବାଦ ଜଣାଇଥିଲେ, ଯାହା ତାଙ୍କ ସ୍ମୃତିକୁ ଜୀବନ୍ତ ରଖିବାରେ ସାହାଯ୍ୟ କରିଥିଲା ।