ବିଧାନସଭାରେ ଉଠିଲା ମମିତା ମେହେର, ନବ ଦାସ ଓ ଲକ୍ଷ୍ମଣାନନ୍ଦ ସରସ୍ୱତୀ ହତ୍ୟା ମାମଲାର ପ୍ରସଙ୍ଗ

ବିଧାନସଭା ଗୃହରେ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉଠାଇଲେ ବିଜେପି ବିଧାୟକ ଜୟନାରାୟଣ ମିଶ୍ର। ସ୍ବାମୀ ଲକ୍ଷ୍ମଣାନନ୍ଦ, ନବ ଦାସ, ମମିତା ମେହେର ହତ୍ୟା ମାମଲା ସହ ମମିତା ହତ୍ୟା ଅଭିଯୁକ୍ତ ଗୋବିନ୍ଦ ସାହୁଙ୍କ ମୃତ୍ୟୁ ପ୍ରସଙ୍ଗ ଉଠାଇଛନ୍ତି ଜୟନାରାୟଣ ମିଶ୍ର । ସେ କହିଛନ୍ତି ଏସବୁ ମାମଲା ଏବେବି ଲୋକଙ୍କ ଭିତରେ ସନ୍ଦେହ ସୃଷ୍ଟି କରୁଛି । ଏହି ସବୁ ହତ୍ୟା ମାମଲା ଓ ମମିତା ହତ୍ୟା ମାମଲାରେ ଦୋଷିଥିବା ଗୋବିନ୍ଦ ସାହୁଙ୍କ ଜେଲ ମଧ୍ୟରେ ଆତ୍ମହତ୍ୟା ଘଟଣା ଲୋକଙ୍କ ମନରେ ସନ୍ଦେହ ସୃଷ୍ଟି କରିଛି ।

ଏହା ସହ ସେ ପ୍ରଶ୍ନ କରିଛନ୍ତି ଲୋକଙ୍କ ମନରେ ଥିବା ସନ୍ଦେହକୁ ଦୂର ପାଇଁ ଉଦ୍ୟମ କରିବେ କି ସରକାର ? ଏହା ସହ ସରକାର ସିବିଆଇକୁ ତଦନ୍ତ ଦାୟିତ୍ବ ଦେଇ ସନ୍ଦେହ ଦୂର କରିବେ କି ?

ଅନ୍ୟପଟେ ବିଜେପି ବିଧାୟକ ଜୟନାରାୟଣ ମିଶ୍ର କରିଥିବା ପ୍ରଶ୍ନର ସମାଲୋଚନା କରି ବିଜେଡି ବିଧାୟକ ପ୍ରତାପ ଦେବ କହିଛନ୍ତି, ପୋଲିସ ତାଙ୍କ ହାତରେ, ଆଇନ ତାଙ୍କ ହାତରେ । କିନ୍ତୁ ସେ କାହାକୁ ପ୍ରଶ୍ନ ପଚାରୁଛନ୍ତି । ସରକାର ନିଷ୍ପତ୍ତି ନେବାରେ ବିଫଳ ହୋଇଛନ୍ତି ।