ୱାକଫ ସଂଶୋଧନ ବିଲ ପ୍ରସଙ୍ଗକୁ ନେଇ ବିଜେଡି ସାଂସଦ ଦେବାଶିଷ ସାମନ୍ତରାୟଙ୍କ ବିସ୍ଫୋରକ ବୟାନ । ଗଣତନ୍ତ୍ର ଓ ଧର୍ମନିରପେକ୍ଷତାରେ ବିଶ୍ୱାସ କରୁଥିବା ବିଜୁ ଜନତା ଦଳ ‘ୱାକଫ ସଂଶୋଧନ ବିଲ’ ପ୍ରସଙ୍ଗରେ ନିଜର ସ୍ପଷ୍ଠ ପକ୍ଷ ରଖିବାରେ ବିଫଳ ହେବା ତାଙ୍କୁ ବ୍ୟଥିତ କରିଛି କହିଲେ ଦେବାଶିଷ ସାମନ୍ତରାୟ । ସାମନ୍ତରାୟ ସୋସିଆଲ ମେଡିଆ ପୋଷ୍ଟ ରେ ନିଜ ପ୍ରତିକ୍ରିୟା ରଖି କହିଛନ୍ତି ଯେ, ଦୁଇ ଦୁଇଥର ସଂସଦୀୟ କମିଟି ବୈଠକରେ ବିଜେଡି ସଭାପତି ନବୀନ ପଟ୍ଟନାୟକ ଙ୍କ ନିର୍ଦ୍ଦେଶ ଥିଲା ରାଜ୍ୟସଭାରେ ଏହି ବିଲକୁ ଜୋରଦାର ବିରୋଧ କରାଯିବ । ଏଥି ସହିତ ବିଜୁ ଜନତା ଦଳ ଏହାର ଇସ୍ତାହାରରେ ମଧ୍ୟ ସ୍ପଷ୍ଠ କରିଥିଲା ଯେ ୱାକଫ ସଂଶୋଧନ ବିଲକୁ ବିରୋଧ କରିବ । ଶଙ୍ଖ ଭବନରେ ଆୟୋଜିତ ଏକ କାର୍ଯ୍ୟକ୍ରମରେ, ସଭାପତି ସଂଖ୍ୟାଲଘୁ ସମ୍ପ୍ରଦାୟର ଭାଇ ଭଉଣୀମାନଙ୍କୁ ଭେଟି ଏହି ବିଲକୁ ରାଜ୍ୟସଭାରେ ବିରୋଧ କରାଯିବା ନେଇ ଆଲୋଚନା ମଧ୍ୟ କରିଥିଲେ । ହୁଇପି ଜାରି ନକରି, ମାତ୍ର ଭୋଟିଂ ଦିନ ସନ୍ଧ୍ୟାରେ ଅତି ତରବରିଆ ଭାବରେ ସଂସଦୀୟ ଦଳର ନେତା ଡ଼ ସସ୍ମିତ ପାତ୍ର ଟୁଇଟ କରି ନିଜ ନିଜ ବିବେକ ଅନୁସାରେ ଭୋଟ ଦେବାକୁ ସାଂସଦମାନଙ୍କୁ ପରାମର୍ଶ ଦେଇଥିଲେ । ଏହି ନିଷ୍ପତ୍ତି ପରିବର୍ତ୍ତନ ଫଳରେ ଦଳ ସଂଖ୍ୟଲଘୁ ସମ୍ପ୍ରଦାୟର ଅବିଶ୍ୱାସର ପାତ୍ର ହେବା ସହ ଅପୂରଣୀୟ କ୍ଷତି ସହିବାକୁ ଯାଉଛି । ଯାହା ତାଙ୍କୁ ବହୁତ କଷ୍ଟ ଦେଇଛି । ଏହି କାରଣରୁ ସେ ବିବେକ ଅନୁଯାୟୀ ସମ୍ବିଧାନ ଓ ଧର୍ମନିରପେକ୍ଷତାକୁ ସମର୍ଥନ ଜଣାଇ ମତଦାନରୁ ଦୁରେଇ ରହିଲେ ବୋଲି କହିଛନ୍ତି । ଏବେ ବିଜୁ ଜନତା ଦଳର ଆଦର୍ଶରେ ବିଶ୍ୱାସ କରୁଥିବା କୋଟି କୋଟି ବିଜୁପ୍ରେମୀ ଜାଣିବାକୁ ଚାହାନ୍ତି ଦଳର ଏହି ତରବରିଆ ନିଷ୍ପତ୍ତି ପରିବର୍ତ୍ତନ ପଛରେ ଦାୟୀ କିଏ ବୋଲି ସେ ପ୍ରଶ୍ନ କରିଛନ୍ତି ? Post navigation ୱାକଫ୍ ବିଲ୍କୁ ନେଇ ତାସ୍କେଣ୍ଟରୁ ଫେରିବା ପରେ ପ୍ରତିକ୍ରିୟା ଦେବେ କହିଲେ ସସ୍ନିତ ପାତ୍ର ଏଥର ୨ ଦିନ ପ୍ରତିଷ୍ଠା ଦିବସ ପାଳନ କରିବ ବିଜେପି
