ସମୀର ଦେ ଙ୍କ ଦେହାନ୍ତ ରେ ବାଲିଯାତ୍ରା ରେ ସାଂସ୍କୃତିକ କାର୍ଯ୍ୟକ୍ରମ ବାତିଲ

ବିଶିଷ୍ଟ ବିଜେପି ନେତା ତଥା ପୂର୍ବତନ ମନ୍ତ୍ରୀ ସମୀର ଦେ ‘ଙ୍କ ଦେହାନ୍ତ ହେତୁ କଟକ ବାଲି ଯାତ୍ରାରେ ସୋମବାର ହେବାକୁ ଥିବା ସମସ୍ତ ସାଂସ୍କୃତିକ କାର୍ଯ୍ଯକ୍ରମ ବାତିଲ କରାଯାଇଛି। କଟକ ଜିଲ୍ଲାପାଳ ଦତ୍ତାତ୍ରେୟ ଭାଉ ସାହେବ ସିନ୍ଦେ ଗଣମାଧ୍ଯମକୁ ଘୋଷଣା କରିଛନ୍ତି ଯେ କିମ୍ବଦନ୍ତୀ ନେତାଙ୍କ ଶ୍ରଦ୍ଧାଞ୍ଜଳି ପାଳନ କରିବା ପାଇଁ ସୋମବାର ସନ୍ଧ୍ୟାରେ ବୈଷ୍ଣବ ପାଣି ମଞ୍ଚ କିମ୍ବା ଅକ୍ଷୟ ମୋହନ୍ତୀ ମଞ୍ଚରେ କୌଣସି ସାଂସ୍କୃତିକ କାର୍ଯ୍ଯକ୍ରମ ଅନୁଷ୍ଠିତ ହେବ ନାହିଁ। କଟକର ଜଣେ ପ୍ରମୁଖ ରାଜନେତା, ବରିଷ୍ଠ ନେତାଙ୍କ ବିୟୋଗରେ ରାଜ୍ଯ ଶୋକ ପ୍ରକାଶ କରୁଥିବାରୁ ସୋମବାର ଦିନ ବାର୍ଷିକ ଉତ୍ସବରେ କୌଣସି ସାଂସ୍କୃତିକ କାର୍ଯ୍ଯକ୍ରମ ଅନୁଷ୍ଠିତ ହେବ ନାହିଁ ବୋଲି ସେ କହିଛନ୍ତି। କଟକର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିବାବେଳେ 67 ବର୍ଷ ବୟସ୍କ ନେତାଙ୍କ ଦେହାନ୍ତ ହୋଇଛି।ସମୀର ଦେ ଲଗାତାର 1995,2000 ଏବଂ 2004 ମସିହାରେ ଓଡ଼ିଶା ବିଧାନସଭାରେ କଟକ ସହରକୁ ପ୍ରତିନିଧିତ୍ୱ କରିଥିଲେ।