ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀଙ୍କ ଘରେ ସିବିଆଇ ରେଡ୍ । ବୁଧବାର ଦିନ ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଭୂପେଶ ବଘେଲଙ୍କ ବାସଭବନରେ ସିବିଆଇର ଚଢ଼ାଉ । ସିବିଆଇ ଟିମ୍ ରାୟପୁର ଏବଂ ଭିଲାଇରେ ତାଙ୍କ ଘରେ ପହଞ୍ଚି ତଦନ୍ତ କରୁଛି । ୨୦୧୭ ସିଡି ମାମଲାରେ ସିବିଆଇର ରେଡ୍ କରିଥିବା ସୂଚନା । ଏହାର ୧୫ ଦିନ ପୂର୍ବରୁ ଅର୍ଥାତ୍ ମାର୍ଚ୍ଚ ୧୦ ତାରିଖରେ, ଇଡି ଟିମ୍ ପୂର୍ବତନ ମୁଖ୍ୟମନ୍ତ୍ରୀଙ୍କ ଘରେ ପହଞ୍ଚିଥିଲା। ଆଜି ସିବିଆଇ ରେଡ୍ କରିଛି ।
ଅନ୍ୟପଟେ ଆଜି ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲ ୮ ଏବଂ ୯ ଏପ୍ରିଲରେ ଅହମ୍ମଦାବାଦ (ଗୁଜରାଟ)ରେ ଅନୁଷ୍ଠିତ ହେବାକୁ ଥିବା ଏଆଇସିସି ବୈଠକ ପାଇଁ ଗଠିତ “ଡ୍ରାଫ୍ଟିଂ କମିଟି”ର ବୈଠକ ପାଇଁ ଦିଲ୍ଲୀ ଯିବାର କାର୍ଯ୍ୟକ୍ରମ ରହିଛି । ଏହା ପୂର୍ବରୁ, ସିବିଆଇ ଚଢ଼ାଉ କରିଛି ।
ସେହିପରି ଇଡି କାର୍ଯ୍ୟାନୁଷ୍ଠାନ ସମୟରେ, ଅନେକ କଂଗ୍ରେସ ନେତା ତାଙ୍କ ଘର ବାହାରେ ଏକାଠି ହୋଇ କାର୍ଯ୍ୟାନୁଷ୍ଠାନ ବିରୋଧରେ ପ୍ରତିବାଦ କରିଥିଲେ। ଆଜି ମଧ୍ୟ ପ୍ରଦର୍ଶନ ସମ୍ଭାବନା ଥିବାରୁ ପୋଲିସ ଫୋର୍ସ ମୁତୟନ କରାଯାଇଛି।