ପରିତ୍ୟକ୍ତ ଘରୁ ନାବାଳିକାର ମୃତଦେହ ଉଦ୍ଧାର; ସମ୍ପର୍କୀୟ ମାମୁଁ ଅଟକ

ବାଲେଶ୍ବର ଜିଲ୍ଲା ରେମୁଣା ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଏକ ପରିତ୍ୟକ୍ତ ଘରୁ ନାବାଳିକାର ମୃତଦେହ ଉଦ୍ଧାର ହୋଇଛି। ୩ ଦିନ ତଳୁ ନିଖୋଜ ଥିଲେ ୯ବର୍ଷର ନାବାଳିକା। ସମ୍ପର୍କୀୟ ମାମୁଁ ତାଙ୍କୁ ଦୁଷ୍କର୍ମ ପରେ ହତ୍ୟା କରିଥିବା ନେଇ ପରିବାର ଲୋକେ ଅଭିଯୋଗ ଆଣିଛନ୍ତି। ତେବେ ଏହି ଘଟଣାରେ ପୋଲିସ ସମ୍ପର୍କୀୟ ମାମୁଁ ରବି ସିଂହକୁ ଅଟକ ରଖିଛି ପଚରାଉଚରା କରୁଛି। ଏସ୍‌ପି ସାଗରିକା ନାଥ ଘଟଣାସ୍ଥଳରେ ପହଂଚି ଅନୁଧ୍ୟାନ କରିଥିଲେ। ପୋଲିସ ଟିମ୍‌ ଓ ଶିଳ୍ପାଞ୍ଚଳ ସୁରକ୍ଷା କର୍ମୀ ଶବକୁ ଜଗି ରହିଛନ୍ତି। ସକାଳେ ସାଇଣ୍ଟିଫିକ ଟିମ ଘଟଣାର ତଦନ୍ତ କରୁଛି।

ପ୍ରକାଶ ଯେ, ନୂଆପାଢ଼ୀ ପଞ୍ଚାୟତର ସମ୍ପର୍କୀୟ ମାମୁଁ ସମ୍ପୃକ୍ତ ନାବାଳିକାକୁ ଗତ ମଙ୍ଗଳବାର ସକାଳୁ ଅପହରଣ କରିନେଇଥିଲେ। ପୁରୀ ତରକାରୀ ଖାଇବାକୁ ଦେବା ବାହାନାରେ ଅପହରଣ କରିଥିଲେ। ଏ ନେଇ ନାବାଳିକା ବାପା ରେମୁଣା ଥାନାରେ ଏତଲା ଦେଇଥିଲେ। ଅଭିଯୋଗ ଆଧାରରେ ପୋଲିସ ତଦନ୍ତ ଜାରି ରଖିଥିଲା।