ୱାକଫ୍ ବିଲ୍ କୁ ବିଜେଡି ସାଂସଦ ମୁନା ଖାନ୍‌ଙ୍କ ବିରୋଧ

ରାଜ୍ୟସଭାରେ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ତଥା ସଂଖ୍ୟାଲଘୁ ବ୍ୟାପାର ମନ୍ତ୍ରୀ କିରଣ ରିଜୁଜି ବିବାଦୀୟ ୱାକଫ ସଂଶୋଧିତ ବିଲ୍ ୨୦୨୫ କୁ ଉପସ୍ଥାପନ କରିଛନ୍ତି । ରାଜ୍ୟସଭାରେ ୱାକଫ୍ ବିଲ୍ ଆଲୋଚନା ବେଳେ ବିଜେଡିର ବିରୋଧ କରିଛି । ଗୃହରେ ଆଲୋଚନାରେ ଅଂଶ ଗ୍ରହଣ କରି ବିଲ ବିରୋଧରେ କହିଛନ୍ତି ବିଜେଡ଼ି ରାଜ୍ୟସଭା ସାଂସଦ ମୁଜିବୁଲ୍ଲା ଖାନ୍‌ ଓରଫ୍ ମୁନା ଖାନ୍‌ ।

ମୁନା ଖାନ୍‌ ରାଜ୍ୟସଭାରେ ୱାକଫ ବିଲ ଆଲୋଚନାରେ ଭାଗ ନେଇ ୱକ୍‌ଫ ସମ୍ପତ୍ତି ସୁରକ୍ଷିତ ରହିବା ନେଇ ମନ୍ତ୍ରୀ ସ୍ପଷ୍ଟ କରନ୍ତୁ ବୋଲି ଦାବି କରିଛନ୍ତି । ୱାକଫରେ ଦଣ୍ଡ ବିଧାନ ବ୍ୟବସ୍ଥାକୁ ସେ ବିରୋଧ କରିଛନ୍ତି । ସେହିପରି ମୁସଲମାନ ବୋଲି ନିଜର ପ୍ରମାଣ ଦେବାର ଯେଉଁ ପ୍ରାବଧାନ ରଖାଯାଇଛି ତାହାକୁ ସେ ବିରୋଧ କରି କହିଛନ୍ତି ଜଣେ ମୁସଲିମ ବୋଲି ୫ ବର୍ଷରେ କେମିତି ନିଜକୁ ପ୍ରମାଣ କରିପାରିବ । ତାହାକୁ ହଟା ଯାଉ ।

ସେ ଆଉ ମଧ୍ୟ କହିଛନ୍ତି ସରକାର କହୁଛନ୍ତି ଗରିବ ମୁସଲମାନ ଲାଭବାନ ହେବେ, ଯଦି ତାହା ସତ ହୁଏ ତାହା ଏ ଦେଶର ସମସ୍ତ ଗରିବ ମୁସଲମାନ ଆପଣଙ୍କ ନିକଟରେ କୃତଜ୍ଞ ହୋଇ ରହିବେ । କିନ୍ତୁ ସରକାର ସୁନିଶ୍ଚିତ କରନ୍ତୁ ଯେ ୱାକଫ ଜମି ଯେମିତି ଅନ୍ୟ କୌଣସି ମୁସଲମାନଙ୍କ ନିକଟକୁ ନ ଯାଏ ।