କଟକ ସଦରର ନବନିର୍ବାଚିତ ବିଧାୟକଙ୍କ ଉପରେ ଆକ୍ରମଣ

କଟକ ସଦରର ନବନିର୍ବାଚିତ ବିଧାୟକ ଇଂ. ପ୍ରକାଶ ଚନ୍ଦ୍ର ସେଠୀଙ୍କ କାର୍‌ ଉପରେ ଆକ୍ରମଣ। ଗତକାଲି ବିଳମ୍ବିତ ରାତିରେ କିଶନନଗରକୁ ଫେରୁଥିବା ବେଳେ କଟକ ସୋମପୁର ଛକରେ ତାଙ୍କ କାର ଉପରେ ଆକ୍ରମଣ ହୋଇଥିବା ଅଭିଯୋଗ ହୋଇଛି ।

ଗତକାଲି ରାତି ପ୍ରାୟ ୧୧ଟାରେ କିଶୋରନଗରରେ ଆୟୋଜିତ କଟକ ସଦର ରଜ ମହୋତ୍ସବ ଶେଷ ହେବା ପରେ ବିଧାୟକ ଶ୍ରୀ ସେଠୀ ସୋମପୁର ପାଲା ମଣ୍ଡପରେ ଆୟୋଜିତ ଏକ ଉତ୍ସବରେ ଯୋଗଦେବା ପାଇଁ ଯାଇଥିଲେ। ସେଠାରୁ ରାତି ପ୍ରାୟ ସାଢ଼େ ୧୧ଟାରେ ସେ ଫେରୁଥିଲା ବେଳେ ସୋମପୁର ନିକଟରେ ବାଇକ୍‌ରେ ଜଣେ ଯୁବକ ପଛପଟୁ ଆସି କାର୍‌ କବାଟ ଓ କାଚ ଉପରେ ଆକ୍ରମଣ କରିଥିଲା। ଶ୍ରୀ ସେଠୀ ସଂଗେ ସଂଗେ ଘଟଣା ସମ୍ପର୍କରେ କିଶନନଗର ଥାନାକୁ ଜଣାଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ଆକ୍ରମଣକାରୀ ଯୁବକକୁ ଧରି ଥାନାରେ ଅଟକ ରଖିଥିବା ଜଣାପଡ଼ିଛି।କେଉଁ କାରଣରୁ ୟେ ଆକ୍ରମଣ ହୋଇଛି ତାହା ଜଣାପଡିନାହିଁ । ଖବର ପାଇ ବିଧାୟକଙ୍କ ସମର୍ଥକମାନେ କିଶନନଗର ଥାନାରେ ପହଞ୍ଚିଛନ୍ତି। ସେଠାରେ ଉତ୍ତେଜନା ଲାଗି ରହିଥିବା ଖବର ମିଳିଛି।