ଓଡ଼ିଶାରେ ଅଧିକ ପୁଞ୍ଜି ନିବେଶ ଆକର୍ଷଣ ପାଇଁ ରାଜ୍ୟ ସରକାର ଆଉ ଏକ ବଡ଼ ପଦକ୍ଷେପ ନେଉଛନ୍ତି । ଆସନ୍ତା ଅଗଷ୍ଟ ମାସରେ ରାଜଧାନୀ ଦିଲ୍ଲୀରେ ‘ଇନଭେଷ୍ଟର୍ସ ରୋଡ୍ ସୋ’ ଆୟୋଜନ କରାଯିବ । ଏନେଇ ଶିଳ୍ପ ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ ସୂଚନା ଦେଇଛନ୍ତି । ସ୍ୱାଇଁ କହିଛନ୍ତି ଯେ ଦିଲ୍ଲୀରେ ହେବାକୁ ଥିବା ‘ରୋଡ୍ ସୋ’ରେ ମୁଖ୍ୟମନ୍ତ୍ରୀ ମୋହନ ମାଝୀ ‘ଟିମ୍ ଓଡ଼ିଶା’ର ନେତୃତ୍ୱ ନେବେ । ଏହି କାର୍ଯ୍ୟକ୍ରମରେ ଦେଶର ବଡ଼ ଶିଳ୍ପତି ଓ ନିବେଶକମାନଙ୍କୁ ଓଡ଼ିଶାର ଶିଳ୍ପ ସମ୍ଭାବନା ସମ୍ପର୍କରେ ଅବଗତ କରାଯିବ । ଦିଲ୍ଲୀ ରୋଡ୍ ସୋ’ରେ ମୁଖ୍ୟ ଫୋକସ୍ ରହିବ ଖାଦ୍ୟ ପ୍ରକ୍ରିୟାକରଣ ସେକ୍ଟର । ଓଡ଼ିଶାର କୃଷି ଉତ୍ପାଦ ଓ ସମୁଦ୍ର ସମ୍ପଦକୁ ଆଧାର କରି ଏହି କ୍ଷେତ୍ରେ ଅଧିକ ଶିଳ୍ପ ସ୍ଥାପନ ପାଇଁ ପ୍ରୟାସ କରାଯିବ । Post navigation India’s First Privately-Built Rocket ‘Vikram-1’ Successfully Launched
