Kabisuryanagar Custodial Death: କବିସୂର୍ଯ୍ୟନଗର ଥାନାରେ ଥାର୍ଡ ଡିଗ୍ରୀ ମାମଲା; ୩ ପୋଲିସ୍ ଅଧିକାରୀ ନିଲମ୍ବିତ, ଆଇପିଏସ୍ ତାଲିମପ୍ରାପ୍ତ ନିତିଶ ମିଶ୍ରଙ୍କୁ ବଦଳି

କବିସୂର୍ଯ୍ୟନଗର ଥାନାରେଥାର୍ଡ ଡିଗ୍ରୀ ମାମଲାରେ ହେଲା ବଡ଼ ଆକ୍ସନ୍। ଓଡ଼ିଶା ସରକାର ଗଞ୍ଜାମ ଜିଲ୍ଲାର କବିସୂର୍ଯ୍ୟନଗର ପୋଲିସ ଷ୍ଟେସନର ଦାୟିତ୍ୱରେ ଥିବା ତାଲିମପ୍ରାପ୍ତ ଆଇପିଏସ୍ ଅଧିକାରୀ ନିତେଶ କୁମାର ମିଶ୍ରଙ୍କୁ ଗଞ୍ଜାମ ପୋଲିସ୍ ମୁଖ୍ୟାଳୟକୁ ବଦଳି କରାଯାଇଛି । ଏହା ସହ ୩ ପୋଲିସ୍ ଅଧିକାରୀ ନିଲମ୍ବିତ । SI ସମୀର କୁମାର ରାଉତ, ବାଲିଚାଇ ଫାଣ୍ଡି ASI ବୈକୁଣ୍ଠ ଜେନା ଓ କନେଷ୍ଟବଲ ସୁମନ କୁମାର ସାହୁ ସସ୍‌ପେଣ୍ଡ୍‌ କରାଯାଇଛି । ଏହା ସହ ଡ୍ରାଇଭର କୃଷ୍ଣ ଚନ୍ଦ୍ର ପ୍ରଧାନଙ୍କୁ ଦାୟିତ୍ୱ ମୁକ୍ତ କରାଯାଇଛି ।

ନିରପେକ୍ଷ ତଦନ୍ତ ସୁନିଶ୍ଚିତ କରିବା ପାଇଁ ଅର୍ଥ ବିଭାଗ ଗଞ୍ଜାମ ପୋଲିସ ଅଧିକ୍ଷକଙ୍କୁ ଉପଯୁକ୍ତ ବିକଳ୍ପ ନିଯୁକ୍ତି ଏବଂ ସମସ୍ତ କର୍ମଚାରୀଙ୍କୁ ଥାନାରୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଛି।