Farooq Abdullah Firing: ବିବାହ ସମାରୋହରେ ଜମ୍ମୁର ପୂର୍ବତନ ସିଏମଙ୍କ ଉପରକୁ ଗୁଳିମାଡ଼; ଅଳ୍ପକେ ବର୍ତ୍ତିଗଲେ ଫାରୁକ୍ ଅବଦୁଲ୍ଳା

ଗୁଳିମାଡ଼ରୁ ଅଳ୍ପକେ ବର୍ତ୍ତିଗଲେ ଫାରୁକ୍ ଅବଦୁଲ୍ଳା। ଜମ୍ମୁ ଓ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲାଙ୍କ ବାପା ଫାରୁକ୍ ଅବଦୁଲ୍ଳା ଯୋଗ ଦେଇଥିବା ଏକ ବିବାହ ଉତ୍ସବରେ ଗୁଳିମାଡ଼ ହୋଇଥିଲା। ଘଟଣାରେ ଅଭିଯୁକ୍ତ କମଲ ସିଂହ ଜାମୱାଲଙ୍କୁ ସୁରକ୍ଷା କର୍ମୀମାନେ ଗିରଫ କରି ଅଟକ ରଖିଛନ୍ତି ଏବଂ ପୋଲିସ ତଦନ୍ତ ଆରମ୍ଭ କରିଛି।

ଅଭିଯୁକ୍ତ କମଲ ସିଂହ ଜାମୱାଲ ଜମ୍ମୁର ବାସିନ୍ଦା। ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି। ଭିଡିଓରେ ଅଭିଯୁକ୍ତଜଣକ ଫାରୁକ ଅବଦୁଲ୍ଲାଙ୍କ ପାଖକୁ ଯାଇ ଗୁଳି ଚାଳନା କରୁଥିବାର ଦେଖାଯାଉଛି। ସେ ଗୁଳି ଚଳାଇବା ମାତ୍ରେ ସେଠାରେ ଉପସ୍ଥିତ ସୁରକ୍ଷା କର୍ମୀମାନେ ତାଙ୍କୁ କାବୁ କରି ନେଇଥିଲେ।

ପୋଲିସ ପଚରାଉଚରା ସମୟରେ ପୂର୍ବତନ ଜମ୍ମୁ-କାଶ୍ମୀର ମୁଖ୍ୟମନ୍ତ୍ରୀଙ୍କୁ ଗୁଳି କରିବାକୁ ଚେଷ୍ଟା କରିଥିବା ଅଭିଯୁକ୍ତ ସିଂହ କହିଛନ୍ତି ଯେ ସେ ଗତ ଦୁଇ ଦଶନ୍ଧି ଧରି ଫାରୁକ ଅବଦୁଲ୍ଲାଙ୍କୁ ହତ୍ୟା କରିବାକୁ ଯୋଜନା କରୁଥିଲେ।

ଅନ୍ୟପଟେ ଓମର ଅବଦୁଲ୍ଲା ସୁରକ୍ଷା ବିଫଳତା ଉପରେ ପ୍ରଶ୍ନ ଉଠାଇଛନ୍ତି । ଜଣେ ସଶସ୍ତ୍ର ବ୍ୟକ୍ତି ପୁର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ନିକଟରେ ଗୁଳି ଚଳାଇବା ପରେ ଏକ ଚିନ୍ତାଜନକ ସୁରକ୍ଷା ଆଶଙ୍କା ସୃଷ୍ଟି ହୋଇଛି । ଜେଡ୍-ପ୍ଲସ୍ ସୁରକ୍ଷା କଭର ସତ୍ତ୍ୱେ ଆକ୍ରମଣକାରୀ କିପରି ତାଙ୍କ ପାଖକୁ ପହଞ୍ଚିପାରିଲେ ତାହାକୁ ନେଇ ପ୍ରଶ୍ନ ଉଠିଛି।

ଏହି ଆଶ୍ଚର୍ଯ୍ୟଜନକ ଘଟଣାର ପ୍ରତିକ୍ରିୟା ଦେଇ, ଓମର ଅବଦୁଲ୍ଲା ସୁରକ୍ଷା ବିଫଳତା ଉପରେ ଆଶ୍ୱସ୍ତି ଏବଂ ଚିନ୍ତା ଉଭୟ ପ୍ରକାଶ କରିଛନ୍ତି। ସେ କହିଛନ୍ତି, “ଆଲ୍ଲା ଦୟାଳୁ ଥିଲେ। ମୋ ବାପା ଅଳ୍ପକେ ରକ୍ଷା ପାଇଗଲେ। ବିବରଣୀ ଏପର୍ଯ୍ୟନ୍ତ ପ୍ରକାଶ ପାଉଛି, ଆମେ ଯାହା ଜାଣୁ ତାହା ହେଉଛି ଯେ ଏକ ଲୋଡେଡ୍ ପିସ୍ତଲ ଧରି ସଶସ୍ତ୍ର ଜଣେ ବ୍ୟକ୍ତି ଅତି ନିକଟତର ହୋଇ ଗୁଳି ଚଳାଇଲେ।