ରାଜ୍ୟରେ ଆଜି ବି ୨,୯୭୫ ଶିଶୁ ନିଖୋଜ ଅଛନ୍ତି । ବିଧାନସଭାରେ ଶୀତ ଅଧିବେଶନର ତୃତୀୟ ଦିବସରେ ମହିଳା ଓ ଶିଶୁ ବିକାଶ ବିଭାଗ ମନ୍ତ୍ରୀ ତଥା ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ରାଜ୍ୟରେ କେତେ ଶିଶୁ ନିଖୋଜ ଅଭିଯୋଗ ପଞ୍ଜିକୃତ ହୋଇଛି, କେତେ ଶିଶୁ ଉଦ୍ଧାର ହୋଇଛନ୍ତି ଏବଂ କେତେ ଏବେ ମଧ୍ୟ ନିଖୋଜ ଅଛନ୍ତି ସେ ବିଷୟରେ ଆଲୋଚନା କରିଛନ୍ତି । ପାଟଣା ବିଧାୟକ ଅଖିଳ ଚନ୍ଦ୍ର ନାଏକଙ୍କ ପ୍ରଶ୍ନର ଉତ୍ତର ଦେଇ ପରିଡା କହିଛନ୍ତି ଯେ, ୨୦୨୪ରୁ ଆଜି ଯାଏଁ ୧୧,୩୩୭ ନିଖୋଜ ଅଭିଯୋଗ ପଞ୍ଜିକୃତ ହୋଇଛି । ସେ ମଧ୍ୟରୁ ୮,୩୬୨ ଶିଶୁ ଉଦ୍ଧାର ହୋଇଛନ୍ତି । ଖୋର୍ଦ୍ଧାରେ ସର୍ବାଧିକ ୭୮୫ ମାମଲାରୁ ୫୭୬ ଶିଶୁ ଉଦ୍ଧାର ହୋଇଛନ୍ତି । ସେଇଭଳି ବାଲେଶ୍ୱରରେ ୬୮୩ ମାମଲା ମଧ୍ୟରୁ ୧୧୪ ଶିଶୁ ଉଦ୍ଧାର ହୋଇଛନ୍ତି । ତେବେ ରାଜ୍ୟରେ ଆଜି ବି ୨,୯୭୫ ଶିଶୁ ନିଖୋଜ ଅଛନ୍ତି । ଶିଶୁ ସହାୟତା ଫ୍ରି ନମ୍ବର – ୧୦୯୮ ରେ ଜିଲ୍ଲାୱାରୀ ପଞ୍ଜିକୃତ ଅଭିଯୋଗ ଓ ଉଦ୍ଧାର ହୋଇଥିବା ଶିଶୁଙ୍କ ସଂଖ୍ୟା ପ୍ରଦାନ କରାଯାଇଛି । Post navigation Odisha Assembly: ରାଜ୍ୟରେ ୨୦,୧୫୦ ଅଙ୍ଗନବାଡ଼ି କେନ୍ଦ୍ରର ନାହିଁ ନିଜସ୍ୱ ଗୃହ Winter Session of Odisha Assembly: ପୃଥ୍ୱୀରାଜଙ୍କୁ ପଦ୍ମଲୋଚନ ପଣ୍ଡାଙ୍କ କଟାକ୍ଷ
