ନାଇଟ ସିଫ୍ଟ ପାଇଁ କର୍ମଜୀବୀ ମହିଳା ଦେବେ ସହମତି ପତ୍ର

କର୍ମଜୀବୀ ମହିଳାଙ୍କ ନାଇଟ୍ ସିଫ୍ଟ ପାଇଁ ଆସିଲା ନୂଆ ବିଜ୍ଞପ୍ତି। ଏଣିକି କର୍ମଜୀବୀ ମହିଳା ରାତିରେ ବିଭିନ୍ନ ଘରୋଇ ସଂସ୍ଥାରେ କାର୍ଯ୍ୟ କରିପାରିବେ। କିନ୍ତୁ ସେଥିପାଇଁ ସେମାନଙ୍କୁ ଦେବାକୁ ପଡ଼ିବ ସହମତି ପତ୍ର। ଏ ନେଇ ଶ୍ରମ ବିଭାଗ ପକ୍ଷରୁ ଏନେଇ ଏକ ବିଜ୍ଞପ୍ତି ପ୍ରକାଶ ପାଇଛି। ମହିଳା କର୍ମଚାରୀଙ୍କ ସୁରକ୍ଷା ଓ ନିରାପତ୍ତାକୁ ସର୍ବାଧିକ ଗୁରୁତ୍ୱ ଦିଆଯାଇ ଏହି ପରି ପଦେକ୍ଷପ ହେଇଛନ୍ତି ରାଜ୍ୟ ସରକାର।

ବିଜ୍ଞପ୍ତି ଅନୁସାରେ; ଓଡ଼ିଶାରେ ଥିବା ବିଭିନ୍ନ ପ୍ରତିଷ୍ଠାନରେ ମହିଳାମାନେ ରାତିରେ କାମ କରିପାରିବେ । କିନ୍ତୁ ଏଥିପାଇଁ ସେମାନଙ୍କ ଠାରୁ ଲିଖିତ ସହମତିପତ୍ର ନେବା ବାଧ୍ୟତାମୂଳକ କରାଯାଇଛି । କର୍ମକ୍ଷେତ୍ରରେ ଅତି କମରେ ୩ ଜଣ ମହିଳା ଥିବେ। ମହିଳାଙ୍କୁ ନେବାଆଣିବା ପାଇଁ ପରିବହନ ବ୍ୟବସ୍ଥା ରହିବ।  ଜିପିଏସ୍‌ ଟ୍ରାକିଂ ବ୍ୟବସ୍ଥା ସହ ପରିବହନ ସୁବିଧା ସହ ମହିଳାଙ୍କୁ ନେବା ଆଣିବା କରୁଥିବା ଡ୍ରାଇଭରଙ୍କ ବ୍ୟକ୍ତିଗତ ତଥ୍ୟ ଯାଞ୍ଚ କରିବ ପୋଲିସ।

ସେହିପରି ଡ୍ୟୁଟି ସମୟ ଦିନ ଓ ରାତି କାର୍ଯ୍ୟ ମଧ୍ୟରେ ଅତିକମରେ ୮ ଘଣ୍ଟାର ବ୍ୟବଧାନ ରହିବ। କର୍ମକ୍ଷେତ୍ରରେ ମହିଳା କର୍ମଚାରୀଙ୍କ ପାଇଁ ପାଣି, ବାଥ୍‌ରୁମ ବ୍ୟବସ୍ଥା, କର୍ମକ୍ଷେତ୍ରରେ ସିସିଟିଭି ବ୍ୟବସ୍ଥା ଏବଂ ସଠିକ୍ ଲାଇଟ୍ ବ୍ୟବସ୍ଥା କରାଯିବା ।