ବିଦ୍ରୋହୀଙ୍କ ଦଖଲରେ ସିରିଆ; ଦେଶ ଛାଡ଼ି ରୁଷ୍‌ରେ ଶରଣ ନେଲେ ସିରିଆ ରାଷ୍ଟ୍ରପତି

ରୁଷ୍‌ରେ ଅଛନ୍ତି ସିରିଆ ରାଷ୍ଟ୍ରପତି ବଶର୍ ଅଲ୍-ଅସଦ୍ । କାଲି ଦେଶ ଛାଡ଼ି ପଳାଇବା ପରେ ରୁଷିଆରେ ଶରଣ ନେଇଛନ୍ତି । ରୁଷରେ ସିରିଆ ରାଜନୈତିକ ଶରଣ ଦେଇଛନ୍ତି ଭ୍ଲାଦିମିର ପୁଟିନ । ବଶର୍ ଅଲ୍-ଅସଦ୍ ନିଜ ପରିବାର ସହିତ ରୁଷିଆରେ ଏବେ ଅଛନ୍ତି। ଏହି କଥା ସ୍ପଷ୍ଟ କରିଛି ମସ୍କୋ। ଅସଦଙ୍କ ଜୀବନ ପ୍ରତି ବିପଦ ଥିବା ଦର୍ଶାଇ ସୁରକ୍ଷା କାରଣରୁ ରାଜନୈତିକ ଶରଣ ଦିଆଯାଇଥିବା ମସ୍କୋ ପକ୍ଷରୁ କୁହାଯାଇଛି। ଏହା ସହ ସିରିଆର ଦୀର୍ଘ ୨୪ ବର୍ଷର ଏକଛତ୍ରବାଦ ଶାସନରେ ପୂର୍ଣ୍ଣଛେଦ ପଡିଛି। ସିରିଆ ରାଷ୍ଟ୍ରପତି ଦେଶରୁ ପଳାୟନ ପରେ ଏବେ ଦାମାସ୍‌କସ୍‌କୁ ନିଜ ଦଖଲକୁ ନେଇଛନ୍ତି ବିଦ୍ରୋହୀ ।

ସୂଚନଯୋଗ୍ୟ; ଆଫଗାନିସ୍ତାନ, ବାଂଲାଦେଶ ପରେ ଏବେ ସିରିଆରେ ଶାସକଙ୍କ ଗାଦିଚ୍ୟୁତ ହୋଇଛି। ବିଦ୍ରୋହୀ ଗୋଷ୍ଠୀ ଓ ସେନା ମଧ୍ୟରେ ସିରିଆନିୟନ୍ତ୍ରଣ ପାଇଁ ଗତ ୧୧ ଦିନ ହେଲା ସଂଘର୍ଷ ଜାରି ରହିଥିବା ବେଳେ ବିଦ୍ରୋହୀ ସଂଗ୍ରାମୀମାନେ ରବିବାର ରାଜଧାନୀ ଦମାସ୍କସ୍‌କୁ ଦଖଲ କରି ରାସ୍ତାରେ ଗୁଳି ଚଳାଇ ବିଜୟ ଉତ୍ସବ ପାଳନ କରିଛନ୍ତି।