ନୂଆ ଉପବାଚସ୍ପତି ହେଲେ ଭବାନୀଶଙ୍କର ଭୋଇ

ଓଡ଼ିଶା ବିଧାନସଭାର ନୂଆ ଉପବାଚସ୍ପତି ହେଲେ ତଳସରା ବିଧାୟକ ଭବାନୀଶଙ୍କର ଭୋଇ । ବିଧାନସଭାରେ ବଜେଟ ଅଧିବେଶନର ଦ୍ୱିତୀୟ ଦିନରେ ବିଜେପି ଭବାନୀଶଙ୍କର ଭୋଇଙ୍କୁ ଉପବାଚସ୍ପତି ପ୍ରାର୍ଥୀ ଭାବେ ଘୋଷଣା କରିଥିବା ବେଳେ ଆଜି ଗୃହରେ ଉପବାଚସ୍ପତି ଭାବେ ତାଙ୍କ ନାମ ଘୋଷଣା କରିଛନ୍ତି ବାଚସ୍ପତି ସୁରମା ପାଢ଼ୀ । ସର୍ବସମ୍ମତିକ୍ରମେ ଭବାନୀଶଙ୍କର ଭୋଇ ହୋଇଛନ୍ତି ଉପବାଚସ୍ପତି ।

ତଳସରାରୁ ଦୁଇ ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି ଭବାନୀଶଙ୍କର ଭୋଇ। ସେ ଗତ ୨୦୧୯ ରେ ପ୍ରଥମେ ନିର୍ବାଚିତ ହୋଇଥିଲେ। ଏହାପରେ ସେ ଚଳିତବର୍ଷ ନିର୍ବାଚନରେ ମଧ୍ୟ ବିଜୟଲାଭ କରିଛନ୍ତି।