ରେଳ ଟ୍ରାକ୍ ଉପରେ ବନ୍ୟାପାଣି ମାଡ଼ିଆସିବା କାରଣରୁ ଓଡ଼ିଶାରେ ରେଳ ଚଳାଚଳ ସମ୍ପୂର୍ଣ୍ଣ ଭାବେ ବାଧାପ୍ରାପ୍ତ ହୋଇଛି। ଇଚ୍ଛାପୁରମ-ଖାଡ଼ୁପଡ଼ି ସେକ୍ସନରେ ଏଭଳି ବନ୍ୟା ପରିସ୍ଥିତି ସୃଷ୍ଟି ହୋଇଥିବାବେଳେ ଯାତ୍ରୀମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ମୋଟ ୯ଟି ଟ୍ରେନ୍ ବାତିଲ କରାଯାଇଛି ଏବଂ ଅନ୍ୟ ୧୪ଟି ଟ୍ରେନ୍ର ଗତିପଥ ପରିବର୍ତ୍ତନ କରାଯାଇଛି। ଏହି ପ୍ରଭାବ ଯୋଗୁଁ ଭୁବନେଶ୍ୱର-ବିଶାଖାପାଟଣା ବନ୍ଦେ ଭାରତ ଏକ୍ସପ୍ରେସ୍, ଭୁବନେଶ୍ୱର-ଜଗଦଲପୁର ହୀରାଖଣ୍ଡ ଏକ୍ସପ୍ରେସ୍ ସମେତ ହାଓଡ଼ା-ସିକନ୍ଦରାବାଦ ଫଲକନମା ଏକ୍ସପ୍ରେସ୍ ଏବଂ ଅନ୍ୟ କେତେକ ପାସେଞ୍ଜର ତଥା ଏକ୍ସପ୍ରେସ୍ ଟ୍ରେନ୍ର ଚଳାଚଳ ବାତିଲ କରାଯାଇଛି। ଆସନ୍ତାକାଲି ଚାଲିବାକୁ ଥିବା ଜଗଦଲପୁର-ଭୁବନେଶ୍ୱର ହୀରାଖଣ୍ଡ ଏକ୍ସପ୍ରେସ୍ ମଧ୍ୟ ଏହି କାରଣରୁ ବାତିଲ ରହିବ ବୋଲି ଜଣାପଡ଼ିଛି। ସେହିପରି ସେହିପରି ବ୍ରହ୍ମପୁର-ଉଧନା ଅମୃତ ଭାରତ ଏକ୍ସପ୍ରେସ୍, ଭୁବନେଶ୍ୱର-ବେଙ୍ଗାଲୁରୁ ପ୍ରଶାନ୍ତି ଏକ୍ସପ୍ରେସ୍, ହାୱଡ଼ା-ବେଙ୍ଗାଲୁରୁ ଏକ୍ସପ୍ରେସ୍, ତିରୁପତି-ପୁରୀ ଏକ୍ସପ୍ରେସ୍ ଏବଂ ସିକନ୍ଦରାବାଦ-ଭୁବନେଶ୍ୱର ବିଶାଖା ଏକ୍ସପ୍ରେସ୍ ସମେତ ୧୪ଟି ଟ୍ରେନ୍ ସମ୍ଭାବ୍ୟ ବିପଦ ଏଡ଼ାଇବା ପାଇଁ ବିକଳ୍ପ ମାର୍ଗ ଦେଇ ଚଳାଚଳ କରୁଛି। ରେଳବାଇ ଅଧିକାରୀମାନେ ସ୍ଥିତିକୁ ନିରୀକ୍ଷଣ କରୁଛନ୍ତି। ବ୍ରିଜ୍ ଉପରୁ ଜଳସ୍ତର ହ୍ରାସ ପାଇବା ଏବଂ ପରିସ୍ଥିତିକୁ ନିରାପଦ ଘୋଷଣା କରାଯିବା ପରେ ହିଁ ସ୍ୱାଭାବିକ ରେଳ ଚଳାଚଳ ପୁନଃସ୍ଥାପିତ ହେବ। ଯାତ୍ରୀମାନେ ଯାତ୍ରା ଆରମ୍ଭ କରିବା ପୂର୍ବରୁ ଜାତୀୟ ରେଳ ସୂଚନା ବ୍ୟବସ୍ଥା ମାଧ୍ୟମରେ ସଦ୍ୟତମ ତଥ୍ୟ ଯାଞ୍ଚ କରିବାକୁ ପରାମର୍ଶ ଦିଆଯାଇଛି। Post navigation Amit Shah Reviews Cyclone Situation with Odisha CM: ବାତ୍ୟା ଅର୍ଣ୍ଣବକୁ ନେଇ ଓଡ଼ିଶାର ମୁଖ୍ୟମନ୍ତ୍ରୀଙ୍କ ସହ କଥା ହେଲେ ଅମିତ ଶାହ, ସମସ୍ତ ସହାୟତା ଯୋଗାଇଦେବାକୁ ଦେଲେ ପ୍ରତିଶ୍ରୁତି Rajya Sabha Cross-Voting Controversy: ରାଜ୍ୟସଭା ନିର୍ବାଚନ କ୍ରସ୍ ଭୋଟିଂ ବିବାଦ: ୫ ଜଣ ବିଧାୟକଙ୍କୁ ହାଇକୋର୍ଟଙ୍କ ନୋଟିସ୍
