NTCA ଛାଟ ପରେ ବାଘୁଣୀ ଜିନ୍ନତକୁ ଫେରାଇଲା ପଶ୍ଚିମବଙ୍ଗ

ପଶ୍ଚିମବଙ୍ଗରୁ ଶିମିଳିପାଳ ଫେରିଛି ବାଘୁଣୀ ‘ଜିନତ’। ପଶ୍ଚିମବଙ୍ଗ ଆଲିପୁର ଚିଡ଼ିଆଖାନାରୁ ସ୍ୱତନ୍ତ୍ର ଗାଡ଼ି ଯୋଗେ ବିଳମ୍ବିତ ରାତିରେ ଅଣାଯାଇଛି। ଓଡ଼ିଶା ପହଞ୍ଚିବା ପରେ ଶିମିଳିପାଳ ଦକ୍ଷିଣ ଡିଭିଜନର ସଫ୍ଟ ଏନକ୍ଲୋଜରରେ ଜିନତକୁ ଛଡ଼ାଯାଇଛି । ଜିନତକୁ ଆଣିବା ପାଇଁ କୋଲକାତାକୁ ଓଡ଼ିଶା ବନ ବିଭାଗର ଯାଇଥିଲେ ୧୦ ଜଣିଆ ଟିମ ।

ଶନିବାର ପଶ୍ଚିମବଙ୍ଗର ଗୋସାଇଁଡିହି ଗ୍ରାମ୍ୟ ଜଙ୍ଗଲରେ ଜିନ୍ନତକୁ ଗତକାଲି ଟ୍ରାଙ୍କୁଲାଇଜ୍ କରାଯାଇଥିଲା । ବାଘୁଣୀ ଜିନତକୁ ଟ୍ରାଙ୍କୁଲାଇଜ କରିବା ପରେ ଆଲିପୁର ଚିଡିଆଖାନାରେ ରଖାଯାଇଥିଲା । ତାର ସ୍ୱାସ୍ଥ୍ୟ ପ୍ରତି ଯାଞ୍ଚ ରଖାଯାଇଥିଲା । ଏହା ପରେ ଆଲିପୁରରୁ ସ୍ଥାନାନ୍ତର ପାଇଁ ପଶ୍ଚିମବଙ୍ଗ ବନ୍ୟପ୍ରାଣୀ ବିଭାଗକୁ ଏକ ଚିଠି ଲେଖି NTCAକୁ ନିର୍ଦ୍ଦେଶ ଦେଇଥିଲା ।

ସେପଟେ ବାଘୁଣୀକୁ କାହିଁକି ଓଡ଼ିଶା ନ ପଠାଇ ଆଲିପୁର ଚିଡ଼ିଆଖାନାକୁ ପଠାଗଲା, ସେ ନେଇ ପ୍ରଶ୍ନ ଉଠାଇଥିଲେ ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ- NTCA । ଓଡ଼ିଶା ତରଫରୁ ବାଘୁଣୀକୁ ଫେରାଇବା ନେଇ ଚିଠି ପରେ, ଏନଟିସିଏ ପଶ୍ଚିମବଙ୍ଗକୁ ଚିଠି ଲେଖିଥିଲା । ଏସଓପି ଅନୁଯାୟୀ କାହିଁକି ବାଘୁଣୀକୁ ଓଡ଼ିଶା ନପଠାଇ ଆଲିପୁର ପ୍ରାଣୀ ଉଦ୍ୟାନରେ ରଖାଗଲା ତାରା କାରଣ ଦର୍ଶାଇବାକୁ ମଧ୍ୟ ଚିଠିରେ କୁହାଯାଇଛି ।