ସ୍ମାର୍ଟ ମିଟରକୁ ନେଇ ସତ୍ୟାଗ୍ରହ କରିବ ଓଡିଶା ରାଜ୍ୟ ବିଦ୍ୟୁତ ଉପଭୋକ୍ତା ମହାସଂଘ

ରାଜ୍ୟରେ ପୁରୁଣା ମିଟର ହଟାଇ ଲଗାଯାଉଛି ସ୍ମାର୍ଟ ମିଟର । ସେଥିପାଇଁ ଖୁବ ଶୀଘ୍ର ରାଜ୍ୟରେ ଆରମ୍ଭ ହେବ ସ୍ମାର୍ଟ ମିଟର ସତ୍ୟାଗ୍ରହ । ରାଜ୍ୟରେ ପ୍ରିପେଡ଼ ସ୍ମାର୍ଟ ମିଟର ବିରୋଧରେ ଓଡିଶା ରାଜ୍ୟ ବିଦ୍ୟୁତ ଉପଭୋକ୍ତା ମହାସଂଘର ବଡ଼ ନିଷ୍ପତ୍ତି । ସ୍ୱାଧୀନତା ପୂର୍ବରୁ ଦେଶରେ ଲବଣ ସତ୍ୟାଗ୍ରହ ଭଳି ଓଡ଼ିଶାରେ ସ୍ମାର୍ଟ ମିଟର ବିରୋଧରେ ସେଭଳି ଢଙ୍ଗରେ ସ୍ମାର୍ଟ ମିଟର ସତ୍ୟାଗ୍ରହ କରିବାକୁ ଘୋଷଣା କଲା ଉପଭୋକ୍ତା ମହାସଂଘ ।

ସୂଚନା ଯୋଗ୍ୟ; ସ୍ମାର୍ଟ ମିଟର ନାଁରେ ଶୋଷଣ ଚାଲିଥିବାରୁ ଆର୍ଥିକ ସ୍ତରରେ ହସ୍ତସନ୍ତ ହେଉଛନ୍ତି ବିଜୁଳି ଉପଭୋକ୍ତା । ଘରକୁ ଘର ବୁଲି ବିଦ୍ୟୁତ ବିତରଣ କମ୍ପାନୀ କର୍ମଚାରୀ ସ୍ମାର୍ଟ ମିଟର ଲଗାଇବାକୁ ବାଧ୍ୟ କରୁଛନ୍ତି । ବିଦ୍ୟୁତ ଶୁଳ୍କ ବୃଦ୍ଧି, ସ୍ମାର୍ଟ ମିଟର ବାତିଲ, ଓଡ଼ିଆରେ ବିଲ ଦେବା ଓ ସରକାର ପ୍ରତିଶୃତି ଦେଇଥିବା ୩ଶହ ୟୁନିଟ ମାଗଣା ବିଜୁଳିକୁ କାର୍ଯ୍ୟକାରୀ ପାଇଁ ଶ୍ୱର ଉଠାଇବ ଓଡିଶା ରାଜ୍ୟ ବିଦ୍ୟୁତ ଉପଭୋକ୍ତା ମହାସଂଘ । ସେ କହିଛି ସ୍ମାର୍ଟ ମିଟର ଲଗାଇବା ଷଡ଼ଯନ୍ତ୍ର ଗ୍ରହଣୀୟ ନୁହେଁ । ତେଣୁ ରାଜ୍ୟରେ ଆରମ୍ଭ ହେବ ସ୍ମାର୍ଟ ମିଟର ସତ୍ୟାଗ୍ରହ ।