ବିଜେଡି ସରକାରକୁ ଫେରିବା ଅବାସ୍ତବ କଥା: ବଦ୍ରୀପାତ୍ର

ପୁଣି ବିଜେଡି ଫେରିବା ବୟାନବାଜିକୁ ନେଇ ଓଡ଼ିଶା ରାଜନୀତି ସରଗରମ ହୋଇଛି। ବିଜେଡିର ବହୁ ବରଷ୍ଠେ ନେତା, ନବୀନ ପଟ୍ଟନାୟକ ପୁଣି କ୍ଷମତାକୁ ଫେରିବେ ବୋଲି କହୁଛନ୍ତି। ତେବେ ଏହାକୁ ନେଇ ମୁହଁ ଖୋଲିଛନ୍ତି ଘସିପୁରା ବିଧାୟକ ତଥା ଦଳର ବରିଷ୍ଠ ସଦସ୍ୟ ବଦ୍ରୀପାତ୍ର । ସେ କହିଛନ୍ତି ବିଜେଡି ସରକାରକୁ ଫେରିବା ଅବାସ୍ତବ କଥା।ବିଜେଡି ସରକାର ଗଠନ ନେଇ କହୁଥିବା ନେତାଙ୍କ ମତି ବିଭ୍ରାନ୍ତି ହୋଇଛି ।  ଯେଉଁ ବିଜେଡି ନେତା ଏପରି କଥା କହୁଛନ୍ତି ତାର ଯଥାର୍ଥତା ନାହିଁ।

ବିଜେଡି କଂଗ୍ରେସ ସହ ମିଶି ସରକାର କରିବା ଅବାସ୍ତବ କଥା। ଏଭଳି ଅବାସ୍ତବ କଥା କହିବାକୁ ସେମାନେ ପ୍ରାଧିକୃତ କି ନାହିଁ ଜାଣିନି। ନବୀନ ବାବୁ ଏହା କହିବାକୁ ସେମାନଙ୍କୁ କହିଛନ୍ତି ନା ନାହିଁ ତାହା ମଧ୍ୟ ଜାଣିନି। ସଂଖ୍ଯା ଗରିଷ୍ଠତା ପାଇ ବିଜେପି ସରକାର କରିଛି । ଭାଜପା ସାଙ୍ଗରେ ସମଦୂରତାରେ ଆମେ କଂଗ୍ରେସ ସହ କେବେ ନଥିଲୁ। ଯେଉଁମାନେ କହୁଛନ୍ତି ମତି ବିଭ୍ରାଟ ହୋଇଛି। ଏପରି କହି ସେମାନେ ଅଧିକ ନିନ୍ଦିତ ହେଉଛନ୍ତ।