୨୦୨୫ ପୁରୀ ରଥଯାତ୍ରା ସମୟରେ କର୍ଡନ ପାସ ପାଇଥିବା ୨୫୦୦ ଭିଭିଆଇପିଙ୍କ ବିବରଣୀ ପ୍ରକାଶ କରାଯିବ ନାହିଁ ବୋଲି ପୁରୀ ଜିଲ୍ଲା ପ୍ରଶାସନ ନିଷେଧାଦେଶ ଜାରି କରିଛି । ତାହାର ତାଲିକା ସୂଚନା ଅଧିକାର ଅଧିନିୟମର ଧାରା ୮ (୧) (ଞ୍ଜ) ଅନୁଯାୟୀ ପ୍ରଦାନ କରାଯାଇପାରିବନି ବୋଲି ପ୍ରଶାସନ କହିଛି । ଏହି ନିଷେଧାଦେଶ ଭିଭିଆଇପିଙ୍କ ଗୋପନୀୟତା ରକ୍ଷା ପାଇଁ ବୋଲି ଜିଲ୍ଲା ପ୍ରଶାସନ କହିଛି । କହିରଖୁଛୁ ଯେ, ପୁରୀ ରଥଯାତ୍ରା – ୨୦୨୫ ରେ ରଥ ଚାରିପଟେ କଡ଼ନ୍ ଭିତରେ ମାତ୍ରାଧିକ ଭିଆଇପି ଓ ଭିଭିଆଇପି ପାସ୍ଧାରୀଙ୍କ ଭିଡ଼ ଯୋଗୁଁ ବିଭ୍ରାଟ ଘଟିଥିଲା । ସୁରକ୍ଷା କଡ଼ନ୍ ଭିତରେ ବହୁ ମାତ୍ରାରେ ଭିଡ଼ ଯୋଗୁଁ ନନ୍ଦିଘୋଷ ରଥ ଟାଣିବା ସମ୍ଭବ ହୋଇ ନ ଥିବା ପୁଲିସ ସୂତ୍ରରୁ ଜଣାପଡ଼ିଥିଲା । କଡ଼ନ୍ ଭିତରୁ ଯେତିକି ଲୋକଙ୍କୁ ଖାଲି କରାଯାଉଥିଲା କିଛି ସମୟ ଭିତରେ ସେତିକି ପାସ୍ ଧରି କର୍ଡନ୍ ଭିତରକୁ ପ୍ରବେଶ କରୁଥିବାରୁ ପୁଲିସ କାହାକୁ ଅଟକାଇ ପାରୁନଥିଲା । Post navigation Tamil Nadu Literary Awards: ଓଡ଼ିଆ ସମେତ ୭ ଭାଷା ପାଇଁ ତାମିଲନାଡୁ ସାହିତ୍ୟ ପୁରସ୍କାର ଘୋଷଣା କଲେ ଷ୍ଟାଲିନ Bird Census In Hirakud: ଚଳିତ ବର୍ଷ ହୀରକୁଦକୁ ଆସିଛନ୍ତି ୪ ଲକ୍ଷ ପକ୍ଷୀ
