ବିଧାୟକ ପଦରୁ ବିଜେପି ରାଷ୍ଟୀୟ ଅଧ୍ୟକ୍ଷ ନୀତିନ ନବୀନଙ୍କ ଇସ୍ତଫା ଦେଇଛନ୍ତି । ଦୁଇ ସପ୍ତାହ ପୂର୍ବେ ରାଜ୍ୟସଭାକୁ ନିର୍ବାଚିତ ହୋଇଥିବା ବିହାରର ବାଙ୍କିପୁରର ବିଧାୟକ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନ ବିହାର ବିଧାନସଭାର ସଦସ୍ୟତାରୁ ଇସ୍ତଫା ଦେଇଛନ୍ତି । ଏ ନେଇ ସୋସିଆଲ୍ ମିଡିଆ ମାଧ୍ୟମରେ ସୂଚନା ଦେଲେ ନୀତିନ ନବୀନ । ବାଙ୍କିପୁର ବିଧାନସଭା ଆସନରୁ ବିଧାୟକ ଥିଲେ ନୀତିନ ନବୀନ । ରାଜ୍ୟସଭାକୁ ନିର୍ବାଚିତ ହେବା ପରେ ଆଜି ସେ ଇସ୍ତଫା ଦେଇଛନ୍ତି । ନୀତିନ ନବୀନ କହିଛନ୍ତି, ଜାନୁଆରୀ ୨୦୦୬ ରେ ମୋ ବାପାଙ୍କ ଆକସ୍ମିକ ମୃତ୍ୟୁ ପରେ, ଦଳ ମୋତେ ପାଟନା ପଶ୍ଚିମରୁ ଉପନିର୍ବାଚନ ଲଢ଼ିବା ପାଇଁ ସୁଯୋଗ ଦେଇଥିଲା। ୨୭ ଏପ୍ରିଲ ୨୦୦୬ ରେ ପ୍ରଥମ ଥର ପାଇଁ ପାଟନା ପଶ୍ଚିମ ନିର୍ବାଚନ ମଣ୍ଡଳୀରୁ ନିର୍ବାଚିତ ହେବା ପରେ, ମୁଁ ସାମାଜିକ ଏବଂ ରାଜନୈତିକ ଜୀବନରେ ମୋର ଯାତ୍ରା ଆରମ୍ଭ କରିଥିଲି। ଗତ ୨୦ ବର୍ଷ ଧରି, ମୁଁ ଏହି ନିର୍ବାଚନ ମଣ୍ଡଳୀକୁ, ମୂଳତଃ ମୋ ପିତା ସ୍ୱର୍ଗତ ନବୀନ କିଶୋର ପ୍ରସାଦ ସିହ୍ନାଙ୍କ ଦ୍ୱାରା ନିର୍ମିତ, ଏକ ପାରିବାରିକ ଭାବନା ସହିତ ପୋଷଣ କରିବା, ଏହାକୁ ସୁନ୍ଦର କରିବା ଏବଂ ବିକାଶ ପଥରେ ଆଗକୁ ବଢ଼ାଇବା ପାଇଁ ନିରନ୍ତର ପ୍ରୟାସ କରିଛି। ସେ ଆଉ ମଧ୍ୟ କହିଛନ୍ତି, ଆଜି, ମୁଁ ବାଙ୍କିପୁର ନିର୍ବାଚନମଣ୍ଡଳୀର ପ୍ରତିନିଧିତ୍ୱ କରୁଥିବା ବିହାର ବିଧାନସଭାର ନିର୍ବାଚିତ ସଦସ୍ୟ ଭାବରେ ମୋର ଇସ୍ତଫା ପ୍ରଦାନ କରୁଛି। ଦଳ ମୋତେ ଯେଉଁ ନୂତନ ଭୂମିକା ପ୍ରଦାନ କରିଛି, ତାହା ମାଧ୍ୟମରେ ମୁଁ ମୋର ନିର୍ବାଚନ ମଣ୍ଡଳୀ ଏବଂ ବିହାର ରାଜ୍ୟର ନିରନ୍ତର ବିକାଶ ପାଇଁ ସର୍ବଦା ପ୍ରସ୍ତୁତ ଏବଂ ଦୃଢ଼ ଭାବରେ ପ୍ରତିବଦ୍ଧ ରହିବି। ମୋର କର୍ମୀ ଏବଂ ବିହାରର ଲୋକଙ୍କ ସହିତ ମୁଁ ଯେଉଁ ଅତୁଟ ବନ୍ଧନ ବାଣ୍ଟିଛି ତାହା ଚିରକାଳ ପାଇଁ ସ୍ଥାୟୀ ରହିବ ଏବଂ ମୋତେ ନୂତନ ଶକ୍ତି, ପ୍ରେରଣା ଏବଂ ମାର୍ଗଦର୍ଶନ ପ୍ରଦାନ କରିବ। ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ, ମୁଁ ୨୦୪୭ ସୁଦ୍ଧା ‘ବିକଶିତ ଭାରତ’ ଏବଂ ‘ବିକଶିତ ବିହାର’ର ସ୍ୱପ୍ନକୁ ସାକାର କରିବା ପାଇଁ ନିରନ୍ତର ପ୍ରତିବଦ୍ଧ ରହିବି। Post navigation Naveen Condemns Nishikant Dubey’s Remarks: ବିଜୁ ବାବୁଙ୍କୁ ନେଇ ଦୁବେଙ୍କ ଅପମାନଜନକ ମନ୍ତବ୍ୟ; ଦୃଢ ନିନ୍ଦା କଲେ ନବୀନ ପଟ୍ଟନାୟକ BJD Protest Against Nishikant Dubey: ନିଶିକାନ୍ତ ଦୁବେଙ୍କ କୁଶପୁତ୍ତଳିକା ଦାହ କଲା ବିଜେଡି
