ଭାରତ ପାଇଁ ଅଲିମ୍ପିକ୍ସରେ ଇତିହାସ ସୃଷ୍ଟି କଲେ ମନୁ ଭାକର

ଚଳିତ ବର୍ଷ ପ୍ୟାରିସ୍ ଅଲିମ୍ପିକ୍ସରେ ଆଉ ଏକ ପଦକ ପାଇଲା ଭାରତ। ଭାରତର ମନୁ ଭାକର ଏବଂ ସରବଜୋତ୍ ସିଂ ୧୦ ମିଟର ଏୟାର ପିସ୍ତଲ ମିଶ୍ରିତ ଦଳ ଇଭେଣ୍ଟରେ କୋରିଆକୁ ପରାସ୍ତ କରି ବ୍ରୋଞ୍ଜ ପଦକ ଜିତିଛନ୍ତି । ଭାରତ କୋରିଆକୁ ୧୬-୧୦ ରେ ପରାସ୍ତ କରି ଏହି ପଦକ ଜିତିଛି ।

ସ୍ୱାଧୀନତା ପରବର୍ତ୍ତୀ ଅଲିମ୍ପିକ୍ସ ଇତିହାସରେ ପ୍ରଥମ ଭାରତୀୟ ଭାବେ ମନୁ ଭାକର ଗୋଟିଏ ସଂସ୍କରଣରେ ଦୁଇଟି ପଦକ ଜିତି ରେକର୍ଡ ସୃଷ୍ଟି କରିଛନ୍ତି।

ଅନ୍ୟପଟେ ମନୁ ଭାକର ଏହା ସହ ସୁଶୀଲ କୁମାର ଭାରତୀୟ କୁସ୍ତିଯୋଦ୍ଧା ( ୨୦୦୮ ବେଜିଂ ଅଲିମ୍ପିକ ଓ ୨୦୧୨ ଲଣ୍ଡନ ଅଲିମ୍ପିକ) ଏବଂ ପିଭି ସିନ୍ଧୁ ମହିଳା ବ୍ୟାଡମିଣ୍ଟନ (ରିଓ ଅଲିମ୍ପିକ ୨୦୧୬, ଟୋକିଓ ଅଲିମ୍ପିକ ୨୦୨୦) ଙ୍କ ସହ ସ୍ୱାଧୀନତା ପରଠାରୁ ଅଲିମ୍ପିକ୍ସରେ ଦୁଇଟି ପଦକ ଜିତିବାରେ ତୃତୀୟ ଭାରତୀୟ ହୋଇଛନ୍ତି ।