ଭାଜପା ଶାସିତ ରାଜ୍ୟ ଉପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବେଶ କ୍ଷୁବ୍ଧ। ନୟାଗଡ଼ରେ ମୁର୍ଶିଦାବାଦର ଜଣେ ଶ୍ରମିକଙ୍କୁ ପୁଲିସର ପଚରା ଉଚରା ନେଇ ସେ ଡିଜିପିଙ୍କୁ ଟାର୍ଗେଟ କରିଥିଲେ । ଏବେ ସମ୍ବଲପୁରରେ ଜଣେ ପ୍ରବାସୀ ଶ୍ରମିକଙ୍କ ମୃତ୍ୟୁ ସଂପର୍କରେ ତଦନ୍ତ ପାଇଁ ସେ ପଠାଉଛନ୍ତି ନିଜ ପୁଲିସ। ଡିସେମ୍ବର ୨୪ରେ ପଶ୍ଚିମବଙ୍ଗର ଜଣେ ଶ୍ରମିକଙ୍କର ମୃତ୍ୟୁ ହୋଇଥିଲା । ଏହି ମାମଲାରେ ସମ୍ବଲପୁର ପୁଲିସ ତଦନ୍ତ ଜାରି ସହ ୬ଜଣ ଅଭିଯୁକ୍ତଙ୍କୁ ଗିରଫ କରିସାରିଛି । ଏହା ସତ୍ତ୍ୱେ ମମତାଙ୍କ ରାଗ ଥଣ୍ଡା ହୋଇନାହିଁ । ମମତା ଶନିବାର ଏକ୍ସର ଏକ ପୋଷ୍ଟରେ କହିଛନ୍ତି ଯେ, ଏକ ଶୂନ୍ୟ ଏଫଆଇଆର ରୁଜୁ କରାଯାଇଛି ଏବଂ ରାଜ୍ୟ ପୁଲିସର ଏକ ଦଳ ତଦନ୍ତ ପାଇଁ ଓଡ଼ିଶା ଯାଇଛି। ୨୪ ତାରିଖରେ ଏକ ବିଡ଼ିକୁ ନେଇ ବିବାଦ ପରେ ସମ୍ବଲପୁର ଜିଲ୍ଲାରେ ପଶ୍ଚିମବଙ୍ଗର ପ୍ରବାସୀ ଶ୍ରମିକଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ଭାଜପା ଶାସିତ ପ୍ରତ୍ୟେକ ରାଜ୍ୟରେ ବଙ୍ଗାଳୀ ଭାଷାଭାଷୀ ଲୋକଙ୍କ ଉପରେ ହେଉଥିବା ନିଷ୍ଠୁର ଅତ୍ୟାଚାର, ଉତ୍ପୀଡ଼ନ ଏବଂ ହିଂସାକୁ ମୁଁ ଦୃଢ଼ ନିନ୍ଦା କରୁଛି । ଆମେ ସେହି ପ୍ରବାସୀ ବଙ୍ଗାଳୀ ଭାଷାଭାଷୀ ପରିବାରଙ୍କ ସହିତ ଦୃଢ଼ ଭାବରେ ଠିଆ ହୋଇଛୁ, ଯେଉଁମାନେ ଭୟଭୀତ, ପୀଡ଼ିତ ଏବଂ ଅମାନବୀୟ ବ୍ୟବହାରର ଶିକାର ହୋଇଛନ୍ତି ଏବଂ ସେମାନଙ୍କୁ ସମସ୍ତ ପ୍ରକାରର ସମର୍ଥନର ପ୍ରତିଶ୍ରୁତି ଦେଉଛୁ। ସମ୍ବଲପୁର ଘଟଣା ସମ୍ପର୍କରେ ଉଲ୍ଲେଖ କରି ସେ ଅଭିଯୋଗ କରିଛନ୍ତି ଯେ ମୁର୍ଶିଦାବାଦର ଜାଙ୍ଗିପୁର ଅଞ୍ଚଳର ପ୍ରବାସୀ ଶ୍ରମିକମାନେ ଭାଜପା ଶାସିତ ଓଡ଼ିଶାରେ ଅତ୍ୟାଚାରର ସମ୍ମୁଖୀନ ହୋଇଛନ୍ତି । ବାନାର୍ଜୀ ଦାବି କରିଛନ୍ତି ଯେ ମୁସଲିମ ବହୁଳ ମୁର୍ଶିଦାବାଦର । ଉଲ୍ଲେଖଯୋଗ୍ୟ, ଡିସେମ୍ବର ୨୪ ତାରିଖ ସନ୍ଧ୍ୟାରେ ସମ୍ବଲପୁରର ଅଇଁଠାପାଲି ପୁଲିସ ସୀମା ଅନ୍ତର୍ଗତ ଶାନ୍ତି ନଗର ଅଞ୍ଚଳରେ ଶେଖ୍ ଜୁଏଲ ରାଣାଙ୍କୁ ଛଅ ଜଣିଆ ଏକ ଗୋଷ୍ଠୀ ଦ୍ବାରା ପିଟି ପିଟି ହତ୍ୟା କରାଯାଇଥିଲା। ଗୁରୁବାର ଦିନ ଛଅ ଜଣ ଅଭିଯୁକ୍ତଙ୍କୁ ଗିରଫ କରିବା ପରେ, ଉତ୍ତର ରେଞ୍ଜର ପୁଲିସ ମହାନିରୀକ୍ଷକ ହିମାଂଶୁ ଲାଲ ମଧ୍ଯ ଜୋର ଦେଇ କହିଥିଲେ ଯେ ହତ୍ୟାକାଣ୍ଡ ଏକ ଯୋଜନାବଦ୍ଧ ନୁହେଁ । ହତ୍ୟା ହଠାତ୍ ଉତ୍ତେଜନାର ଫଳାଫଳ ଥିଲା । କୌଣସି ନିର୍ଦ୍ଦିଷ୍ଟ ବର୍ଗକୁ ଟାର୍ଗେଟ କରିବାର କୌଣସି ଉଦ୍ଦେଶ୍ୟ ଦ୍ବାରା ଏହି ଘଟଣା ପ୍ରବର୍ତ୍ତିତ ହୋଇନଥିଲା । ସମ୍ବଲପୁର ଅତିରିକ୍ତ ପୁଲିସ ଅଧିକ୍ଷକ ଶ୍ରୀମନ୍ତ ବାରିକ ପରେ କହିଥିଲେ ଯେ ଶ୍ରମିକମାନେ ସମ୍ବଲପୁରର ସ୍ଥାନୀୟ ଲୋକଙ୍କ ଏକ ନିର୍ଦ୍ଦିଷ୍ଟ ଗୋଷ୍ଠୀର ବନ୍ଧୁ ଥିଲେ ଏବଂ ପ୍ରାୟତଃ ସେମାନଙ୍କ ସହିତ ଖାଦ୍ୟ ବାଣ୍ଟି ନେଉଥିଲେ। ମଦ୍ୟପାନ କରୁଥିବା ସମୟରେ, ସ୍ଥାନୀୟ ଲୋକମାନେ ବିଡ଼ି ମାଗିଥିଲେ, ଯାହା ସେମାନଙ୍କ ମଧ୍ୟରେ ଝଗଡ଼ା ସୃଷ୍ଟି କରିଥିଲା । ହଠାତ୍ ଉତ୍ତେଜନାର ଏକ ମୁହୂର୍ତ୍ତରେ ଜଣେ ବ୍ୟକ୍ତିଙ୍କୁ ଆକ୍ରମଣ କରାଯାଇଥିଲା। ତାଙ୍କ ମୁଣ୍ଡରେ ଆଘାତ ଲାଗିଥିଲା ଏବଂ ତାଙ୍କର ମୃତ୍ୟୁ ଘଟିଥିଲା । Post navigation Foundation Day of BJD: ଶଙ୍ଖଭବନରେ ଚାରି ଯୁବନେତା ନଥିଲେ କାହିଁକି ? Vegetable Shop Fire: ବାରୁଣୀ ବଜାର ପରିବା ଦୋକାନୀ ପୋଡ଼ି ଘଟଣାରେ କାର୍ଯ୍ୟାନୁଷ୍ଠାନ; କୁଦାନଗରି ଆଇଆଇସିଙ୍କ ବଦଳି
