Lenin alleges Mid-Day Ops: ବିଜେଡିକୁ ଦୁର୍ବଳ କରିବାକୁ ଯୋଜନା ହୋଇଥିଲା ମିଡ୍ ଡେ’ ଅପରେସନ୍: ଲେନିନ୍ ମହାନ୍ତି

ବିଜେଡିକୁ ଦୁର୍ବଳ କରିବାକୁ ଯୋଜନା ହୋଇଥିଲା ମିଡ୍ ଡେ’ ଅପରେସନ୍। ପୂର୍ବରୁ ‘ମିଡ୍ ନାଇଟ୍ ଅପରେସନ ଫେଲ୍ ହୋଇଥିଲା, ଏବେ ମିଡ୍ ଡେ’ ଅପରେସନ ବି ଫେଲ୍’ ହୋଇଛି। ବିଜେଡ଼ି ମୁଖପାତ୍ର ଲେନିନ୍ ମହାନ୍ତିଙ୍କ ବୟାନ ଏହି ଚର୍ଚ୍ଚାକୁ ସରଗରମ କରିଦେଇଛି ।  ଦୁଇ ବିଧାୟକ ଅରବିନ୍ଦ ମହାପାତ୍ର ଓ ସନାତନ ମହାକୁଡ଼ଙ୍କ ନିଲମ୍ବନ କାର୍ଯ୍ୟାନୁଷ୍ଠାନର ପ୍ରତିକ୍ରିୟା ରଖିଛନ୍ତି ବିଜେଡ଼ି ମୁଖପାତ୍ର ଲେନିନ୍ ମହାନ୍ତି ।

ଦୁଇ ବିଧାୟକଙ୍କୁ ଦଳରୁ କାହିଁକି ନିଲମ୍ବନ କରାଯାଇଥିଲା ଏବଂ କ’ଣ ବିଶ୍ୱାସଘାତକତା କରିଥିଲେ ତାର ପ୍ରତିକ୍ରିୟା ରଖିଛନ୍ତି ଲେନିନ୍ । ମୁଖପାତ୍ର ଲେନିନ୍ ମହାନ୍ତି ଗଣମାଧ୍ୟମ କହିଛନ୍ତି ଯେ ଅନେକ ତଥ୍ୟ ହାତ ଆସିଲା ପରେ ଏବଂ ଦୃଢ଼ ପ୍ରମାଣ ମିଳିବା ପରେ ସଭାପତି ନିଷ୍ପତ୍ତି ନେଇଛନ୍ତି । ବିଜୟ ମହାପାତ୍ର ବରିଷ୍ଠ ନେତା ସେ କେଉଁଠାକୁ ବି ଯାଇପାରିବେ, ସେଟା ତାଙ୍କର ସ୍ୱାଧୀନତା । ଦଳକୁ ଦୁର୍ବଳ କରିବାକୁ କିଛି ଲୋକ ଉଦ୍ୟମ କରୁଥିଲେ । ଏହି ତିନି ଜଣ ନେତା ସେମାନଙ୍କର ନେତୃତ୍ୱ ନେଉଥିଲେ । ସେଥିପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।

ଲେନିନ୍ ଆହୁରି କହିଛନ୍ତି ଯେ କୋଟି କୋଟି ଲୋକଙ୍କ ମଧ୍ୟରେ ମାତ୍ର ୫୦ ଜଣ ବିଧାୟକ ହେବାକୁ ସୁଯୋଗ ପାଇଛନ୍ତି । ସେଥି ମଧ୍ୟରେ ଅରବିନ୍ଦ ମହାପାତ୍ର ବିଧାୟକ ହୋଇଛନ୍ତି । ତାଙ୍କର ଆଭିମୁଖ୍ୟ ଦଳକୁ ନେଇ ଆଗେଇବା, କେହି ଦଳରୁ ଉର୍ଦ୍ଧ୍ୱରେ ନୁହନ୍ତି । ତାଙ୍କ ବାପା ବଡ଼ ନେତା ହୋଇପାରନ୍ତି କିନ୍ତୁ କାହାର ଅଧିକାର ନାହିଁ ଦଳକୁ ଦୁର୍ବଳ କରିବା । ଧରାପଡ଼ିବାରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା କହିଛନ୍ତି ମୁଖପାତ୍ର ।

ସବୁ ସରଳ ଦେଖାଯାଉଥିବା ମୁହଁ ସରଳ ନୁହେଁ ବୋଲି କଡ଼ା ଶବ୍ଦରେ ଜବାବ ଦେଇଛନ୍ତି । ଆଉ ଏହି ତିନି ନେତା ଦୁର୍ନୀତିରେ ସାମଲି ଥିଲେ । ମିଡ୍ ନାଇଟ୍ ଅପରେସନ୍ ଭଳି ମିଡ୍ ଡେ ଅପରେସନ୍ ମଧ୍ୟ ଫେଲ୍ ହୋଇଛି । ଲୋକ ଏବଂ ନବୀନଙ୍କ ମଧ୍ୟରେ ଏକ ନିଆରା ସଂଯୋଗ ଅଛି । ତେଣୁ କେହି କିଛି କରିପାରିବେ ନାହିଁ ।