ୱେବସାଇଟରୁ ଅଦିନିଆ ସ୍ନାନ ଯାତ୍ରା ତଥ୍ୟ ହଟାଇଲା ଇସ୍କନ କିନ୍ତୁ ରଥଯାତ୍ରା ପାଇଁ ତଥ୍ଯ ନାହିଁ

ଆମେରିକା ହ୍ୟୁଷ୍ଟୋନରେ ଇସ୍କନର ଅଦିନିଆ ରଥଯାତ୍ରାକୁ ନେଇ ବଡ଼ ଖବର ସାମନାକୁ ଆସିିଛି । ଆସନ୍ତା ନଭେମ୍ବର ୩ ତାରିଖରେ ଇସ୍କନ ପକ୍ଷରୁ ହେବାକୁ ଥିବା ସ୍ନାନ ଯାତ୍ରାକୁ ବାତିଲ କରାଯାଇଥିବା ସୂଚନା ରହିଛି। କିନ୍ତୁ  ରଥଯାତ୍ରା ଆୟୋଜନ ବାତିଲ କି ନାହିଁ ସେନେଇ କିଛି ସ୍ପଷ୍ଟ ସୂଚନା ଆସି ନାହିଁ। ଆଜି ନିଜ ୱେବସାଇଟରୁ ଅଦିନିଆ ସ୍ନାନ ଯାତ୍ରା ତଥ୍ୟ ଇସ୍କନ ହଟାଇଥିବା ବେଳେ ରଥଯାତ୍ରା ନିମନ୍ତେ ୱେବସାଇଟରେ କୌଣସି ସୂଚନା ମିଳିନାହିଁ।

ସୂଚନାଯୋଗ୍ୟ ଇସ୍କନ ପକ୍ଷରୁ ନଭେମ୍ବର ୩ରେ ସ୍ନାନଯାତ୍ରା ଓ ୯ରେ ରଥଯାତ୍ରା ନେଇ ଯୋଜନା ଥିଲା । ତେବେ ଏଭଳି ନିଷ୍ପତ୍ତି ପ୍ରତିବାଦରେ ଗଜପତି ମହାରାଜା କ୍ଷୋଭ ପ୍ରକାଶ କରି ଇସ୍କନକୁ ଚିଠି କରିଥିଲେ । ଶ୍ରୀମନ୍ଦିର ପରମ୍ପରା ଅନୁସାରେ ରଥଯାତ୍ରା କରିବାକୁ ଗଜପତି ମହାରାଜା ଉକ୍ତ ଚିଠିରେ ଉଲ୍ଲେଖ କରିଥିଲେ । ଏହା ପରେ ଏହାକୁ ବାତିଲ କରାଯାଇଛି