ସୋମବାର ଦିନ ନୂଆଦିଲ୍ଲୀରେ, ଭାରତ ଏବଂ ଦକ୍ଷିଣ କୋରିଆ ୨୦୩୦ ସୁଦ୍ଧା ଦ୍ୱିପାକ୍ଷିକ ବାଣିଜ୍ୟକୁ ୫୪ ବିଲିୟନ ଡଲାରକୁ ଦ୍ୱିଗୁଣିତ କରିବାର ଏକ ମହତ୍ୱାକାଂକ୍ଷୀ ଲକ୍ଷ୍ୟ ରଖିଛନ୍ତି । ଏହି ପରିପ୍ରେକ୍ଷୀରେ ବୁଝାମଣାପତ୍ର (MoU) ସ୍ୱାକ୍ଷରିତ ଏବଂ ବାଣିଜ୍ୟ ଚୁକ୍ତିକୁ ଅପଗ୍ରେଡ୍ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଦକ୍ଷିଣ କୋରିଆ ରାଷ୍ଟ୍ରପତି ଲି ଜାଏ ମ୍ୟୁଙ୍ଗ ଭାରତ ଏବଂ ଦକ୍ଷିଣ କୋରିଆ ମଧ୍ୟରେ ବୁଝାମଣାପତ୍ର ଆଦାନପ୍ରଦାନର ସାକ୍ଷୀ ଥିଲେ । ଜାହାଜ ନିର୍ମାଣ ତଥା ଶକ୍ତି, କ୍ରୀଡା, ସାଂସ୍କୃତିକ ଏବଂ ସୃଜନଶୀଳ ଶିଳ୍ପ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ କ୍ଷେତ୍ରରେ ସହଯୋଗକୁ ସୁଦୃଢ଼ କରିବାକୁ ଉଭୟ ପକ୍ଷ ସହମତ ହୋଇଛନ୍ତି । ଫୋରମକୁ ସମ୍ବୋଧିତ କରି ଦକ୍ଷିଣ କୋରିଆ ରାଷ୍ଟ୍ରପତି ଲି ଜାଏ ମ୍ୟୁଙ୍ଗ ଭାରତକୁ “ବିଶ୍ୱ ଅର୍ଥନୀତିର ଏକ ପ୍ରମୁଖ ସ୍ତମ୍ଭ” ଭାବରେ ବର୍ଣ୍ଣନା କରିଛନ୍ତି । ରାଷ୍ଟ୍ରପତି ଲିଙ୍କ ଜୀବନ ସଂଘର୍ଷ, ସେବା ଏବଂ ସମର୍ପଣର ଏକ ପ୍ରେରଣାଦାୟକ ଉଦାହରଣ । ପ୍ରତ୍ୟେକ ଆହ୍ୱାନ ଲୋକଙ୍କ ସେବା କରିବାର ତାଙ୍କର ସଂକଳ୍ପକୁ ଆହୁରି ଦୃଢ଼ କରିଛି। ଯଦିଓ ଏହା ତାଙ୍କର ପ୍ରଥମ ଭାରତ ଗସ୍ତ, ପ୍ରଥମ ସାକ୍ଷାତରୁ ହିଁ ଦେଶ ପ୍ରତି ତାଙ୍କର ଭଲ ପାଇବା ସ୍ପଷ୍ଟ ହୋଇଛି । ୮ ବର୍ଷ ପରେ, ଦକ୍ଷିଣ କୋରିଆର ରାଷ୍ଟ୍ରପତି ଭାରତ ଗସ୍ତରେ ଆସିଛନ୍ତି, ଏବଂ ଏହି ଗସ୍ତ ଅତ୍ୟନ୍ତ ଗୁରୁତ୍ୱପୂର୍ଣ୍ଣବୋଲି ମୋଦି କହିଛନ୍ତି । Post navigation Earthquake Today in Japan: ଜାପାନରେ ୭.୪ ତୀବ୍ରତାର ବଡ଼ ଭୂକମ୍ପ ଝଟ୍କା
