କେନ୍ଦ୍ର ସରକାରଙ୍କ ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ପକ୍ଷରୁ ବାଣିଜ୍ୟିକ ଓ ଶିଳ୍ପ କ୍ଷେତ୍ରରେ ବ୍ୟବହୃତ ନନ୍-ଡୋମେଷ୍ଟିକ ଏଲ୍ପିଜି ବଣ୍ଟନ ବୃଦ୍ଧି ପାଇଁ ନୂତନ ପ୍ରସ୍ତାବ ଜାରି କରାଯାଇଛି। ସଚିବ ଡା. ନୀରଜ ମିତ୍ତଲଙ୍କ ଦ୍ୱାରା ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୁଖ୍ୟ ସଚିବମାନଙ୍କୁ ଲେଖା ଚିଠିରେ ଏହି ସୂଚନା ଦିଆଯାଇଛି। ପୂର୍ବରୁ ରାଜ୍ୟଗୁଡ଼ିକୁ ୪୦ ପ୍ରତିଶତ ପ୍ରି-କ୍ରାଇସିସ କୋଟା ଓ ସଂଶୋଧନ ଆଧାରିତ ଅତିରିକ୍ତ ୧୦ ପ୍ରତିଶତ ବଣ୍ଟନ କରାଯାଇଥିଲା। ବର୍ତ୍ତମାନ ଏହାକୁ ଅତିରିକ୍ତ ୨୦ ପ୍ରତିଶତ ବଢ଼ାଇ ମୋଟ ବଣ୍ଟନକୁ ୭୦ ପ୍ରତିଶତ କରିବା ପାଇଁ ପ୍ରସ୍ତାବ ରହିଛି। ଏଥିରେ ଶିଳ୍ପ କ୍ଷେତ୍ରକୁ ବୃହତ୍ ସହାୟତା ମିଳିବା ସହ ଉତ୍ପାଦନ କ୍ଷମତା ବୃଦ୍ଧି ପାଇବ ବୋଲି କୁହାଯାଇଛି। ନୂତନ ବଣ୍ଟନ ନୀତି ଅନୁସାରେ ଇସ୍ପାତ, ଯାନବାହନ, ବସ୍ତ୍ର, ରଙ୍ଗ, କେମିକାଲ୍ସ ଓ ପ୍ଲାଷ୍ଟିକ୍ସ ଭଳି ଶ୍ରମନିର୍ଭର ଶିଳ୍ପଗୁଡ଼ିକୁ ପ୍ରାଥମିକତା ଦିଆଯିବ। ବିଶେଷ ତାପ ଆବଶ୍ୟକତା ଥିବା ପ୍ରୋସେସ୍ ଇଣ୍ଡଷ୍ଟ୍ରିଗୁଡ଼ିକୁ ମଧ୍ୟ ଅଗ୍ରଗଣ୍ୟତା ଦିଆଯିବ, ଯେଉଁଠାରେ ପ୍ରାକୃତିକ ଗ୍ୟାସ ବିକଳ୍ପ ଭାବେ ବ୍ୟବହାର ଯୋଗ୍ୟ ନୁହେଁ। ଏହା ସହ ଓଏମସି (OMCs) ସହିତ ନିବନ୍ଧନ ଓ PNG ପାଇଁ ଆବେଦନ ସମ୍ପର୍କିତ ପୂର୍ବ ନିୟମଗୁଡ଼ିକୁ ମଧ୍ୟ ମାନିବାକୁ ପଡିବ। ତେବେ ଯେଉଁ ଶିଳ୍ପରେ ଏଲ୍ପିଜି ର ବିକଳ୍ପ ନାହିଁ, ସେଥିରେ ଏହି ନିୟମରୁ ଛୁଟ ଦିଆଯିବ। କେନ୍ଦ୍ର ସରକାର ସମସ୍ତ ରାଜ୍ୟକୁ ଶୀଘ୍ର ୧୦ ପ୍ରତିଶତ ସଂଶୋଧନ ଆଧାରିତ ବଣ୍ଟନର ଲାଭ ଉଠାଇବାକୁ ଅନୁରୋଧ କରିଛନ୍ତି। ଏହା ଫଳରେ ଶିଳ୍ପ କ୍ଷେତ୍ରରେ ସୁବିଧା ବଢ଼ିବା ସହ ଉତ୍ପାଦନ ଓ ରୋଜଗାରରେ ସକାରାତ୍ମକ ପ୍ରଭାବ ପଡିବ ବୋଲି ଆଶା କରାଯାଉଛି। Post navigation Rupee Hits Record Low Past Dollar: ଡଲାର ତୁଳନାରେ ଦୁର୍ବଳ ହେଲା ଭାରତୀୟ ଟଙ୍କା; ୯୪ ଟଙ୍କା ହେଲା ୧ ଡଲାରର ମୂଲ୍ୟ Surya Tilak: ଆଜି ପବିତ୍ର ରାମ ନବମୀ; ପ୍ରଭୁ ରାମଲାଲାଙ୍କ ମସ୍ତକରେ ‘ସୂର୍ଯ୍ୟ ତିଳକ’
