କଟକ ଜଗତପୁର ପାଗାରେ ବାଣ ବିସ୍ଫୋରଣ ଘଟଣାରେ ମୃତ୍ୟୁ ସଂଖ୍ୟା ୩କୁ ବୃଦ୍ଧି ପାଇଛି। SCBରେ ଚିକିତ୍ସାଧୀନ ଅବସ୍ଥାରେ ଆଜି ଆଉ ଜଣଙ୍କର ମୃତ୍ୟୁ ହୋଇଛି। ଗତକାଲି ବିସ୍ଫୋରଣରେ ମାଆ ଓ କୁନି ଝିଅର ମୃତ୍ୟୁ ହୋଇଥିଲା ବେଳେ ଆଜି ଆଉ ଜଣେ ମହିଳାଙ୍କ ମୃତ୍ୟୁ ଘଟିଛି। ମୃତକ ଜଣକ ହେଉଛନ୍ତି ପ୍ରଭାତୀ ନାୟକ। ସୂଚନା ମୁତାବିକ, ଗୋବିନ୍ଦ ନାୟକଙ୍କ ଘର ଭିତରେ ଫୋଟକା ସାମଗ୍ରୀ ବ୍ୟବହାର କରାଯାଉଥିବା ସମୟରେ ଏହି ଘଟଣା ଘଟିଥିଲା। ବିସ୍ଫୋରଣ ସମୟରେ ଘରେ କେହି ପୁରୁଷ ସଦସ୍ୟ ନଥିଲେ। ଏଥିରେ ଶାଶୁ, ବୋହୂ ଏବଂ ନାତୁଣୀ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଥିଲେ। ହେଲେ ଗତକାଲି ବୋହୂ ଓ ୩ ବର୍ଷର ନାତୁଣୀଙ୍କ ମୃତ୍ୟୁ ହୋଇଥିବା ବେଳେ ଆଜି ଶାଶୁ ପ୍ରଭାତୀଙ୍କ ମୃତ୍ୟୁ ହୋଇଛି। ଜଗତପୁର ପୋଲିସ ଏକ ମାମଲା ରୁଜୁ କରିଛି ଏବଂ ଘରେ ଅଧିକ ବିସ୍ଫୋରକ ସାମଗ୍ରୀ ଗଚ୍ଛିତ ଥିଲା କି ନାହିଁ ସେ ବିଷୟରେ ତଦନ୍ତ ଆରମ୍ଭ କରିଛି। ଏହି ଘଟଣା ଆବାସିକ ଅଞ୍ଚଳରେ ଅନଧିକୃତ ବାଣ ଉତ୍ପାଦନର ବିପଦକୁ ଦର୍ଶାଉଛି, ତେଣୁ ଦାୟୀ ଲୋକଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅଧିକାରୀମାନେ କହିଛନ୍ତି। ପୋଲିସର ସୂଚନା ଅନୁଯାୟୀ, କାଲି ସନ୍ଧ୍ୟା ପ୍ରାୟ ୬.୧୫ ସମୟରେ ସୁଧାଂସୁବାଳା ନାୟକ (୩୪) ଏବଂ ତାଙ୍କ ଶାଶୁ ପ୍ରବତୀ ନାୟକ (୬୦) ଘର ଭିତରେ ବାଣ ସାମଗ୍ରୀ ବ୍ୟବହାର କରୁଥିବା ସମୟରେ ବିସ୍ଫୋରଣ ଘଟିଥିଲା। ବିସ୍ଫୋରଣ ସମୟରେ ସୁଧାଂସୁବାଳାଙ୍କ ନାବାଳିକା ଝିଅ ସେହି କୋଠରୀରେ ଉପସ୍ଥିତ ଥିଲା। ହଠାତ୍ ବିସ୍ଫୋରଣ ଯୋଗୁଁ ଏକ ଭୟଙ୍କର ଅଗ୍ନିକାଣ୍ଡ ଘଟିଥିଲା, ଯାହା ଫଳରେ ଆଜବେଷ୍ଟସ୍ ଛାତ ଭୁଶୁଡ଼ି ପଡ଼ିଥିଲା ଏବଂ ତିନିଜଣ ଭିତରେ ଫସି ରହିଥିଲେ। ସେମାନେ ଗୁରୁତର ପୋଡ଼ି ଆହତ ହୋଇଥିଲେ। ହଠାତ୍ ବିସ୍ଫୋରଣ ଯୋଗୁଁ ଏକ ଭୟଙ୍କର ଅଗ୍ନିକାଣ୍ଡ ଘଟିଥିଲା, ଯାହା ଫଳରେ ଆଜବେଷ୍ଟସ୍ ଛାତ ଭୁଶୁଡ଼ି ପଡ଼ିଥିଲା ଏବଂ ତିନିଜଣ ଭିତରେ ଫସି ରହିଥିଲେ। ସେମାନେ ଗୁରୁତର ପୋଡ଼ି ଆହତ ହୋଇଥିଲେ । ବିସ୍ଫୋରଣ ଶୁଣି ପଡ଼ୋଶୀମାନେ ଘଟଣାସ୍ଥଳକୁ ଯାଇ ଅଗ୍ନିଶମ ସେବା ଏବଂ ପୋଲିସକୁ ଖବର ଦେଇଥିଲେ। ଆହତମାନଙ୍କୁ ପ୍ରଥମେ ନିକଟସ୍ଥ ହସ୍ପିଟାଲକୁ ନିଆଯାଇଥିଲା ଏବଂ ପରେ SCB ମେଡିକାଲ କଲେଜ ଏବଂ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା, ଯେଉଁଠାରେ ଚିକିତ୍ସା ସମୟରେ ସେମାନଙ୍କର ମୃତ୍ୟୁ ହୋଇଥିଲା, ପୋଲିସ କହିଛି। Post navigation Forester Under Vigilance Scanner: ଫରେଷ୍ଟରଙ୍କ ଘରେ ଭିଜିଲାନ୍ସ ଚଢ଼ାଉ Odisha Govt Initiates Steps To Clear BSNL Dues: ବିଏସଏନଏଲର ବକେୟା ବିଲ୍ କ୍ଲିୟର କରିବାକୁ ସବୁ ବିଭାଗକୁ ପ୍ରଯୁକ୍ତିବିଦ୍ୟା ବିଭାଗର ଚିଠି
