Shubhankar Mishra Controversy: ବଢିଲା ଶୁଭଙ୍କର ମିଶ୍ରଙ୍କ ପାଇଁ ଅଡୁଆ; ଥାନାରେ ଦିଆଗଲା ଏତଲା

ବଢିଲା ଶୁଭଙ୍କର ମିଶ୍ରଙ୍କ ପାଇଁ ଅଡୁଆ । ସାମ୍ବାଦିକ ତଥା ସୋସିଆଲ୍ ମିଡ଼ିଆ ଇନଫ୍ଲୁଏନସର୍ ଶୁଭଙ୍କର ମିଶ୍ରା ନାଁରେ ସିଂହଦ୍ୱାର ଥାନାରେ ଏତଲା ଦିଆଯାଇଛି । ଶ୍ରୀମନ୍ଦିର ସେବାୟତ ଗୌରହରି ପ୍ରଧାନ ସିଂହଦ୍ଵାର ଥାନାରେ ଏତଲା ଦେଇଛନ୍ତି । ଶ୍ରୀମନ୍ଦିର ଓ ମହାପ୍ରଭୁଙ୍କ ବିଷୟରେ ଅପପ୍ରଚାର ଅଭିଯୋଗରେ ଏତଲା । ସୋସିଆଲ୍‌ ମିଡିଆରେ ଅପପ୍ରଚାର ପାଇଁ ଦେଲେ ଏତଲା ଦିଆଯାଇଛି । ପ୍ରେମୀଯୁଗଳ ବିବାହ ପୂର୍ବରୁ ଶ୍ରୀମନ୍ଦିର ଆସିଲେ ବିବାହ କରିପାରିବେନି କହିଥିଲେ ଶୁଭଙ୍କର।

ଶ୍ରୀମନ୍ଦିର ସେବାୟତ ଗୌରହରି ପ୍ରଧାନ କହିଛନ୍ତି ଶୁଭଙ୍କର କେଉଁ ଆଧାରରେ ଏବଂ ତଥ୍ୟ ଅନୁସାରେ ଏଭଳି ମନ୍ତବ୍ୟ ଦେଇଛନ୍ତି ତାହା ସ୍ପଷ୍ଟ କରନ୍ତୁ । ଜଗନ୍ନାଥ ସଂସ୍କୃତି ବିରୁଦ୍ଧରେ ଭ୍ରମାତ୍ମକ ଟିପ୍ପଣୀ ଦେଇଥିବା ଶୁଭଙ୍କରଙ୍କୁ ଗିରଫ କରିବାକୁ ଦାବି କରିଛୁ । ସେହିପରି ସରକାର ବିଧାନସଭାରେ ତୁରନ୍ତ ଆଇନରେ ଆବଶ୍ୟକୀୟ ସଂଶୋଧନ କରିବା ସହ ନୂତନ ଆଇନ ପ୍ରଣୟନ କଲେ ଏଭଳି ଘଟଣାର ଆଉ ପୁନରାବୃତ୍ତି ହେବ ନାହିଁ ।

ଅନ୍ୟପକ୍ଷରେ ଏତେ ଦିନ ବିବାଦ ଲାଗି ରହିଥିବାବେଳେ ଶୁଭଙ୍କର ମିଶ୍ର କୌଣସି ପ୍ରତିକ୍ରିୟା ଦେଇ ନାହାଁନ୍ତି । ଶୁଭଙ୍କର ପୁରୀ ଆସି କ୍ଷମା ମାଗନ୍ତୁ ବୋଲି ପୂର୍ବରୁ ଦାବି ହୋଇଥିଲା ।

ସୂଚନା ଯୋଗ୍ୟ; ଶୁଭଙ୍କର ତାଙ୍କର ସୋସିଆଲ୍ ମିଡ଼ିଆ ପୋଷ୍ଟରେ ଏକ ଭିଡ଼ିଓ ଜାରି କରି କହିଥିଲେ ଯେ ଶ୍ରୀମନ୍ଦିରକୁ ଯେଉଁ ପ୍ରେମୀ ଯୁଗଳ ଆସନ୍ତି ସେମାନଙ୍କର ପ୍ରେମ ସଫଳ ହୁଏ ନାହିଁ ଏବଂ ସେମାନଙ୍କର ସମ୍ପର୍କ ଭାଙ୍ଗି ଯାଏ । କାରଣ ଶ୍ରୀମନ୍ଦିର ଉପରେ ରାଧାରାଣୀଙ୍କ ଅଭିଷାପ ପଡ଼ିଥିଲା । ରାଧାରାଣୀ ଯେତେବେଳେ ପ୍ରଭୁ ଶ୍ରୀଜଗନ୍ନାଥଙ୍କ ନିକଟକୁ ଆସିଥିଲେ ସେତେବେଳେ ସେବାୟତମାନେ ତାଙ୍କୁ ଶ୍ରୀମନ୍ଦିରକୁ ପ୍ରବେଶ କରିବାକୁ ଅନୁମତି ଦେଇନଥିଲେ । ଯେଉଁଥିପାଇଁ ସେ ଅଭିଶାପ ଦେଇଥିଲେ ଯେ ଯେଉଁ ପ୍ରେମୀ ଯୁଗଳ ବିବାହ ପୂର୍ବରୁ ଶ୍ରୀମନ୍ଦିର ଆସିବେ ତାଙ୍କର ପ୍ରେମ ସଫଳ ହେବ ନାହିଁ ।