ରାଜଧାନୀରେ ମାତିଛନ୍ତି ଭଣ୍ଡ ବାବା; ପୋଲିସ ଜିମା ଦେଲେ ଲୋକେ

ଶନିବାର ସକାଳୁ ଭୁବନେଶ୍ୱର, ମୈତ୍ରୀବିହାର ଅଞ୍ଚଳରେ ୪ ଜଣ ବ୍ୟକ୍ତି ବାବା ବେଶରେ ଘର ଘର ବୁଲି ଭିକ୍ଷା ମାଗୁଥିଲେ ।

ତେବେ ସେମାନଙ୍କ ବେଶ ପୋଷାକ,କଥାବାର୍ତ୍ତା ଓ ଚାଲିଚଳନରୁ ସ୍ଥାନୀୟ ଲୋକେ ସନ୍ଦେହ କରି ପୋଲିସକୁ ଖବର ଦେଇଥିଲେ । ପୋଲିସ ୪ ଜଣ ବାବା ବେଶଧାରୀ ବ୍ୟକ୍ତିଙ୍କୁ ଉଠାଇ ନେଇ ପଚରାଉଚରା କରୁଛି । ସେମାନେ ରାଜସ୍ଥାନରୁ ଆସିଥିବା ଜାଣିବାକୁ ପାଇଛି ପୋଲିସ ।

ଭୁବନେଶ୍ୱରର ପ୍ରତିଦିନ ଲୁଟ ଖବର ଆସୁଛି । ପୋଲିସକୁ ଖୋଲା ଚ୍ୟାଲେଞ୍ଜ ଦେଇ ଘରେ କଳାକନା ବୁଲାଉଛନ୍ତି ଡକାୟତି ଦଳ । ସେଥିପାଇଁ ୪ ଭଣ୍ଡ ବାବା ଅପରାଧ ସମ୍ପର୍କିତ କିଛି ଘଟଣାରେ ଜଡିତ କି ନାହିଁ ପୋଲିସ ଯାଞ୍ଚ କରୁଛି ।