ଘର ତିଆରି କରୁଥିଲେ ସାବଧାନ; ରାଜଧାନୀରେ ବିକ୍ରି ହେଉଛି ନକଲି ସିମେଣ୍ଟ

ସମସ୍ତେ ଅଳ୍ପ ବହୁତେ ଘର ନିର୍ମାଣ ପାଇଁ ସିମେଣ୍ଟ ଆଣିଥାନ୍ତି । ହେଲେ ସିମେଣ୍ଟ ଯେ, ନକଲି ତାହା ଶୁଣିଲେ ଆପଣମାନେ ଚକିତ ହୋଇପଡିବେ। ଆପଣମାନେ ପୂର୍ବରୁ ଜାଣିଥିବେ ନକଲି ଘିଅ, ତେଲ, ସସ୍ ଆଦି ଶୁଣିଥିବେ । ହେଲେ ସିମେଣ୍ଟ ନକଲି କଥା ଶୁଣିଲେ ଆପଣମାନେ ବିଶ୍ଵାସ କରିପାରିବେ ନାହିଁ । ଏଭଳି ଅଭାବନୀୟ ଓ ଚିନ୍ତାଜନକ ବିଷୟ ଦେଖିବାକୁ ମିଳିଛି ବଡଗଡ଼ ଥାନା ଅଞ୍ଚଳରେ । ଦୁଇ ଠକ ନକଲି ସିମେଣ୍ଟ ତିଆରି କରି ବଜାରରେ ବିକ୍ରି କରୁଥିଲେ । ବଡଗଡ ଥାନା ପୁଲିସ ବିଶେଷ ସୂତ୍ରରୁ ଖବର ପାଇ ସିମେଣ୍ଟ ଗୋଦାମରେ ଚଢ଼ାଉ କରି ମାଲିକଙ୍କ ସମେତ ୨ ଜଣଙ୍କୁ ଗିରଫ କରିବା ସହ ଲକ୍ଷଲକ୍ଷ ଟଙ୍କାର ନକଲି ସିମେଣ୍ଟ ଜବତ କରିବାରେ ସଫଳ ହୋଇଛି ।

ଗିରଫ ଠକମାନେ ହେଲେ ବଢଗଢ ଥାନା ଟଙ୍କପାଣି ରୋଡ ଫଚ୍ୟୁନ ପ୍ଲାଜାରେ ରହୁଥ‌ିବା ଦୂର୍ଗାଚରଣ ସାମଲ (୫୩) ଓ ପାହାଳ ଥାନା ଜୟପୁରର ସଂଜୟ ରାଉତ(୫୨)ଙ୍କୁ ଗିରଫ କରାଯାଇଛି । ଏହି ନକଲି ସିମେଣ୍ଟ କାରବାରରେ ଆଉ କେଉଁ କେଉଁ ମାନଙ୍କ ସଂପୂତି ରହିଛି ତାର ଖୋଳତାଡ କରୁଛି ବଡଗଡ ଥାନା ପୁଲିସ।