ଆଜି ହେଉଛି ପବିତ୍ର ଦୋଳପୂର୍ଣ୍ଣିମା । ଏହି ଅବସରରେ ଶ୍ରୀକ୍ଷେତ୍ରରେ ମହାପ୍ରଭୁଙ୍କ ଚଳନ୍ତି ପ୍ରତିମା ଦୋଳଗୋବିନ୍ଦ, ଶ୍ରୀଦେବୀ ଓ ଭୂଦେବୀ ଦୋଳବେଦୀରେ ବୀଜେ କରିଛନ୍ତି । ଆଜି ଭଗବାନ ଭକ୍ତଙ୍କ ଗହଣରେ ହୋଲି ଖେଳିବେ । ଏଥିପାଇଁ ପ୍ରବଳ ଭକ୍ତଙ୍କ ଭିଡ଼ ହୋଇଛି । ଏହି ଅବସରରେ ଶ୍ରୀମନ୍ଦିର ଦୋଳବେଦୀ ନିକଟ ସମ୍ମୁଖ ଦ୍ବାରରେ ଠେଲାପେଲା ପରିସ୍ଥିତି ଦେଖା ହେଇଛି। ଭକ୍ତଙ୍କ ପ୍ରବଳ ଭିଡ଼ ମଧ୍ୟରେ ଦୋଳ ବେଦୀଙ୍କୁ ଯାତ୍ରାରେ ନିଆଯାଇଥିବା ଚଳନ୍ତି ପ୍ରତିମା ସ୍ଥାନାନ୍ତରିତ ହେଉଥିବା ସମୟରେ ଏହି ଘଟଣା ଘଟିଥିଲା। ଦୋଳବେଦୀକୁ ଚଳନ୍ତି ପ୍ରତିମା ବିଜେ ସମୟରେ ଅଘଟଣ ହୋଇଛି । କିଛି ମହିଳା ଓ କିଛି ପୁରୁଷ ଭକ୍ତ ତଳେ ପଡିଯାଇଥିଲେ । ଆହୁରି ୨-୩ ଜଣ ମହିଳା ମଧ୍ୟ ପଡ଼ି ସାମାନ୍ୟ ଆହତ ଥିବା ସୂଚନା ମିଳିଛି । ଘଟଣାସ୍ଥଳରେ ନିୟୋଜିତ ପୋଲିସ କର୍ମଚାରୀମାନେ ତୁରନ୍ତ ହସ୍ତକ୍ଷେପ କରି ମହିଳାମାନଙ୍କୁ ସାହାଯ୍ୟ କରି ଡାକ୍ତରଖାନାକୁ ପଠାଇଥିଲେ। ତୁରନ୍ତ ଚିକିତ୍ସା ପରେ ସମସ୍ତ ଆହତ ଭକ୍ତଙ୍କୁ ଡିସଚାର୍ଜ କରାଯାଇଥିଲା ଏବଂ ବର୍ତ୍ତମାନ ସେମାନେ ସ୍ଥିର ଅଛନ୍ତି। ଦୋଳ ଯାତ୍ରା, ଯାହାକୁ ଦୋଳ ପୂର୍ଣ୍ଣିମା କିମ୍ବା ଦୋଳୋତ୍ସବ ଭାବରେ ମଧ୍ୟ ଜଣାଶୁଣା, ଜଗନ୍ନାଥ ମନ୍ଦିରର ପ୍ରମୁଖ ପର୍ବଗୁଡ଼ିକ ମଧ୍ୟରୁ ଗୋଟିଏ। ଏହା ଦେବତାମାନଙ୍କୁ ରଙ୍ଗୀନ ଶୋଭାଯାତ୍ରାରେ ବାହାରକୁ ନେଇ ଦୋଳିରେ ବସାଇବାର ଚିହ୍ନ ଦିଏ, ଯାହା ହୋଲିର ଉତ୍ସବମୁଖର ମନୋଭାବ ସହିତ ସମନ୍ୱିତ। ହଜାର ହଜାର ଭକ୍ତ, ସ୍ପନ୍ଦନଶୀଳ ରଙ୍ଗରେ ସଜ୍ଜିତ ହୋଇ, ଉତ୍ସବ ପାଇଁ ଏକାଠି ହୁଅନ୍ତି, ପ୍ରାୟତଃ ମୁଖ୍ୟ ପୂଜା ସମୟରେ ଘନ ଭିଡ଼ ସୃଷ୍ଟି କରନ୍ତି। Post navigation Ratna Bhandar: ମାର୍ଚ୍ଚ ୨୫ରୁ ହେବ ରତ୍ନଭଣ୍ଡାର ଗଣତିମଣତି
