କଟକ ବଡ଼ ମେଡିକାଲରେ ଭୟାବହ ଅଗ୍ନିକାଣ୍ଡ ଘଟଣାରେ ଆହତଙ୍କୁ ଭେଟିଲା କଂଗ୍ରେସ ଟିମ୍। ଶ୍ରୀକାନ୍ତ ଜେନା, ଜୟଦେବ ଜେନା, ନଗେନ୍ଦ୍ର ପ୍ରଧାନ, ପଞ୍ଚାନନ କାନୁନଗୋ ଭେଟିଲେ । ଏହା ସହ ମୃତକଙ୍କ ପରିବାରକୁ କୋଟିଏ ଟଙ୍କା ଲେଖାଏଁ କ୍ଷତିପୂରଣ ଦାବି କରିଛନ୍ତି । ଘଟଣା ପାଇଁ ସ୍ୱାସ୍ଥ୍ୟମନ୍ତ୍ରୀଙ୍କ ଇସ୍ତଫା ଦାବି କଲା କଂଗ୍ରେସ । ଏହା ସହ ହସ୍ପିଟାଲ ପରିଦର୍ଶନ କରିଛନ୍ତି କଂଗ୍ରେସ ବିଧାୟକ ସୋଫିଆ ଫିରଦୌସ । ଏହି ସମୟରେ ଘଟଣାରେ ଗୁରୁତର ଅବହେଳା ଅଭିଯୋଗ କରିଛନ୍ତି। ସେ ଦାବି କରିଛନ୍ତି ଯେ ସ୍ପ୍ରିଙ୍କଲର ସିଷ୍ଟମ ସମେତ ଅଗ୍ନି ନିରାପତ୍ତା ବ୍ୟବସ୍ଥା କାର୍ଯ୍ୟ କରିପାରି ନାହିଁ ଏବଂ ହସ୍ପିଟାଲ କର୍ମଚାରୀ ପରିସ୍ଥିତିକୁ ନିୟନ୍ତ୍ରଣ କରିବାରେ ଅକ୍ଷମ। ୧୦ ଜଣ ରୋଗୀଙ୍କ ମୃତ୍ୟୁକୁ ଅତି ଦୁର୍ଭାଗ୍ୟଜନକ ବୋଲି କହି ଦାୟୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଓଡ଼ିଶାର ସବୁଠାରୁ ବଡ଼ ସରକାରୀ ହସ୍ପିଟାଲ ମଧ୍ୟରୁ ଗୋଟିଏରେ ସୁରକ୍ଷା ବ୍ୟବସ୍ଥା ଏବଂ ଜରୁରୀକାଳୀନ ପ୍ରସ୍ତୁତି ଉପରେ ପ୍ରଶ୍ନ ଉଠିବା ଜାରି ରହିଥିବାରୁ କର୍ତ୍ତୃପକ୍ଷ ଅଗ୍ନିକାଣ୍ଡର ତଦନ୍ତ ଆରମ୍ଭ କରିଛନ୍ତି। ତେବେ ଏହି ଘଟଣାରେ ୧୦ ମୃତକଙ୍କ ପରିଚୟ ମିଳିଛି । ସେମାନେ ହେଲେ, ରମେଶ ପରିଡ଼ା,ଦାଶରୁ ମୁଣ୍ଡା,ଏମ୍.ଡି ନ୍ୟୁମ,ଗୌରାଙ୍ଗ ବାରିକ, ଏସ୍ କେ ଅବଦୁଲ୍ ସତାର,ରବୀନ୍ଦ୍ର ଦାସ, ମଧୁସୂଦନ ଦଳାଇ,କୃଷ୍ଣଚନ୍ଦ୍ର ବିଶ୍ୱାଳ, ଚେରୁ ପରିଡ଼ା,ମେନକା ରାଉତ। ସୂଚନା ଯୋଗ୍ୟ; ରବିବାର ବିଳମ୍ବିତ ରାତିରେ କଟକ ଏସ୍ସିବି ମେଡିକାଲ ଟ୍ରମା କେୟାର ସେଣ୍ଟରରେ ଭୟାବହ ଅଗ୍ନିକାଣ୍ଡ ଘଟିଥିଲା । ଏହି ଅଗ୍ନିକାଣ୍ଡରେ ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଲୋକ ଗୁରୁତର ହୋଇଛନ୍ତି । Post navigation SCB Medical Fire: ଏସସିବି ଅଗ୍ନିକାଣ୍ଡ ଘଟଣା: ଶୋକ ପ୍ରକାଶ କଲେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ; ପିଏମଏନଆରଏଫରୁ ମିଳିଲା ସହାୟତା
