ଭାରତ-ପାକିସ୍ତାନ ଉତ୍ତେଜନା ବୃଦ୍ଧିକୁ ଦୃଷ୍ଟିରେ ରଖି ଆଜି ବ୍ଲାକ ଆଉଟ୍ ରହିବ ରାଜସ୍ଥାନର ଜୈସେଲମେର ସହର । ସନ୍ଧ୍ୟା ୬ଟାରୁ ସକାଳ ୬ଟା ଯାଏଁ ବ୍ଲାକ୍ ଆଉଟ୍ ଘୋଷଣା । ଏହା ସହ ସଂଧ୍ୟା ୫ଟା ପରେ ସମସ୍ତ ଦୋକାନ ବଜାର ବନ୍ଦ । ସମସ୍ତ ଦୋକାନ ବଜାର ବନ୍ଦ ସହ ବ୍ଲାକ୍ ଆଉଟ ଘୋଷଣା କରାଯାଇଛି । ଏହି ସମୟରେ ସମସ୍ତ ପ୍ରକାର ଆଲୋକ ବନ୍ଦ ରହିବ। ଏହା ସହିତ, ଦୁଇ ଚକିଆ, ତିନି ଚକିଆ ଏବଂ ଚାରି ଚକିଆ ଯାନବାହନର ଚଳାଚଳ ସମ୍ପୂର୍ଣ୍ଣ ନିଷିଦ୍ଧ ରହିବ। ଏଥିସହିତ ପ୍ରତିରକ୍ଷା କ୍ଷେତ୍ରର ୫ କିଲୋମିଟର ବ୍ୟାସାର୍ଦ୍ଧ ଅଞ୍ଚଳରେ ପ୍ରବେଶ ମନା ଥିବାବେଳେ, ଅନଧିକୃତ ବ୍ୟକ୍ତି ଏହି ଅଞ୍ଚଳରେ ଧରାପଡ଼ିଲେ କଠୋର ଆଇନଗତ କାର୍ଯ୍ୟାନୁଷ୍ଠାନର ସମ୍ମୁଖୀନ ହେବେ। ଏହା ବ୍ୟତୀତ, ରାମଗଡ଼-ତାନୋଟ ରାସ୍ତାରେ ଯାତ୍ରା କରୁଥିବା ଯାତ୍ରୀମାନଙ୍କୁ ଅପରାହ୍ନ ୩ଟା ସୁଦ୍ଧା ଯାତ୍ରା ସମାପ୍ତ କରିବାକୁ ପରାମର୍ଶ ଦିଆଯାଇଛି, କାରଣ ଏହା ପରେ ଏହି ରାସ୍ତାରେ ଚଳାଚଳ ବନ୍ଦ ରହିବ। ସୁରକ୍ଷା କାରଣକୁ ଧ୍ୟାନରେ ରଖି ଏହି ନିଷ୍ପତ୍ତି ନିଆଯାଇଛି, ଏବଂ ଏହାକୁ ଗମ୍ଭୀରତାର ସହ ପାଳନ କରିବାକୁ ଅପିଲ୍ କରାଯାଇଛି। ଜୈସଲମେର ଜିଲ୍ଲାରେ ସମସ୍ତ ବାଣ ଦୋକାନ ବନ୍ଦ ରହିବ ସହ ବାଣ ଫୁଟାଇବା, ବିକ୍ରି କରିବା ଏବଂ କିଣିବା ଉପରେ ଜିଲ୍ଲା ପ୍ରଶାସନ କଟକଣା ଲାଗୁ କରିଛି । ଏଥିସହ UAV, ଡ୍ରୋନ୍ କ୍ୟାମେରା,ହଟ୍ ଏୟାର ବେଲୁନ୍ ଇତ୍ୟାଦିର ଉଡ଼ାଣ ଉପରେ ପ୍ରତିବନ୍ଧକ ରହିବ। ଯଦି କେହି ଏହା ନମାନ୍ତି ତେବେ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। Post navigation ଭାରତ-ପାକିସ୍ତାନ ମଧ୍ୟରେ ଉତ୍ତେଜନା: ସାମିଲ ହେବ ଟେରିଟୋରିଆଲ୍ ଆର୍ମି ଜମ୍ମୁରେ ପଢ଼ୁଥିବା ଓଡ଼ିଆ ଛାତ୍ରଙ୍କୁ ଫେରାଇ ଆଣିବାକୁ ବ୍ୟବସ୍ଥା; ହେଲ୍ପଲାଇନ ନମ୍ବର ଜାରି
