ଶ୍ରୀଜିଉଙ୍କୁ ଦର୍ଶନ ପାଇଁ ଟଙ୍କା ମାଗିବା ଘଟଣା: ଇଣ୍ଡିଆ ଥ୍ରିଲସ ୱେବସାଇଟ୍‌ ନାଁରେ ଏତଲା

ଶ୍ରୀଜିଉଙ୍କୁ ଦର୍ଶନ ପାଇଁ ୱେବ୍‌ସାଇଟ୍‌ ମାଧ୍ୟମରେ ଟଙ୍କା ମାଗିବା ଘଟଣାରେ ଇଣ୍ଡିଆ ଥ୍ରିଲସ ୱେବସାଇଟ୍‌ ନାଁରେ ସାଇବର ଥାନାରେ ଫେରାଦ । ପୁରୀ ସାଇବର ଥାନାରେ ଫେରାଦ ହେଲେ ଶ୍ରୀମନ୍ଦିର ସୁରକ୍ଷା ପ୍ରଶାସକ । ୱେବସାଇଟ୍‌ ଜରିଆରେ ଭକ୍ତଙ୍କୁ ଭ୍ରମିତ କରାଯାଉଥିବା ଅଭିଯୋଗ କରାଯାଇଛି ।ବମହାପ୍ରଭୁଙ୍କ ଦର୍ଶନ ପୂରା ମାଗଣା ରହିଥିଲା ବେଳେ କିପରି ଟଙ୍କା କଥା ଦର୍ଶାଇଲେ ତାହାକୁ ନେଇ ତଦନ୍ତ କରି ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଏତଲାରେ ଦର୍ଶାଯାଇଥିବା ସୂଚନା ମିଳିଛି ।

ସୂଚନା ଯୋଗ୍ୟ;ଇଣ୍ଡିଆ ଥ୍ରିଲସ୍ ନାମକ ୱେବସାଇଟରେ ମହାପ୍ରଭୁଙ୍କ ଦର୍ଶନ ପାଇଁ ଟଙ୍କା ଉଲ୍ଲେଖ ଥିବା ସାମ୍ନାକୁ ଆସିଛି। ବିଭିନ୍ନ ବର୍ଗର ଦେୟଯୁକ୍ତ ଦର୍ଶନ ନେଇ ଉକ୍ତ ୱେବସାଇଟ୍‌ରେ ରଖାଯାଇଛି ତଥ୍ୟ । ଜଗନ୍ନାଥ ଦର୍ଶନ ପାଇଁ ୫୦, ୧୦୦, ୫୦୦ ଟଙ୍କା ରେଟ୍‌ ଚାର୍ଟ ରଖାଯାଇଛି । ଯେମିତିକି ସ୍ୱତନ୍ତ୍ର ଦର୍ଶନ ପାଇଁ ୫୦, ଶୀଘ୍ର ଦର୍ଶନ-୧୦୦, ଭିଆଇପି ଦର୍ଶନ-୫୦୦ ଟଙ୍କା ଉଲ୍ଲେଖ ରହିଛି।