ରାଜ୍ୟରେ ଜାରି ରହିଛି ଶୀତ ଲହରୀ

ସାରା ରାଜ୍ୟରେ ଜାରି ରହିଛି ଶୀତ ଲହରୀ । ଉତ୍ତର-ପୂର୍ବ ଭାରତରୁ ରାଜ୍ୟକୁ ଥଣ୍ଡା ଶୁଷ୍କ ବାୟୁ ପ୍ରବାହ ଫଳରେ ଶୀତ ଲହରୀ ଜାରି ରହିଛି । ରାଜ୍ୟର ବିଭିନ୍ନ ଅଞ୍ଚଳରେ ଶୀତ ଅନୁଭୂତ ହେଉଛି। ୬ ଡିଗ୍ରୀ ତଳେ ରାତି ତାପମାତ୍ରା ରହିଥିବା ସୂଚନା ମିଳିଛି। ପାଣିପାଗ ବିଭାଗର ଆକଳନ ଅନୁଯାୟୀ ରାଜ୍ୟରେ ଆଉ ୩ ଦିନ ପ୍ରବଳ ଥଣ୍ତା ହେବ। ଝାରସୁଗୁଡ଼ା ୬ ଡିଗ୍ରୀ ତଳେ ରାତି ତାପମାତ୍ରା ଥିବା ବେଳେ ରାଉରକେଲାରେ ୬.୪ ଡିଗ୍ରୀ ଓ କେନ୍ଦୁଝରରେ ୮.୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଏହା ସହ ଆଉ ତିନି ଦିନ ରାଜ୍ୟର ବିଭିନ୍ନ ସ୍ଥାନରେ କୁହୁଡ଼ି ଲାଗି ରହିବ ବୋଲି ପାଣିପାଗ ବିଭାଗ ସୂଚନା ଦେଇଛି।

ଆଜି ବିଶେଷକରି, କଳାହାଣ୍ଡି,ଜଗତସିଂହପୁର, କେନ୍ଦୁଝର,ଝାରସୁଗୁଡ଼ା,ଓ କେନ୍ଦ୍ରାପଡ଼ାରେ ଘନ କୁହୁଡି ହେବା ନେଇ ୟେଲୋ ଆଲର୍ଟ ଜାରି କରାଯାଇଛି।