ବିଏମସି ଘଟଣା; ସଂପୃକ୍ତ ଅଭିଯୋଗ ଆଧାରରେ ୫ଜଣଙ୍କୁ ବିଜେପିରୁ ନିଲମ୍ବନ

ଗତ କାଲି ଜୁନ ୩୦ ତାରିଖ ଦିନ ଭୁବନେଶ୍ୱର ମହାନଗର ନିଗମ କାର୍ଯ୍ୟାଳୟରେ ହିଂସାକାଣ୍ଡରେ ସଂପୃକ୍ତି ଅଭିଯୋଗ ଆଧାରରେ ୫ଜଣଙ୍କୁ ବିଜେପିର ପ୍ରାଥମିକ ସଦସ୍ୟ ପଦରୁ ନିଲମ୍ବନ କଲେ ରାଜ୍ୟ ସଭାପତି ମନମୋହନ ସାମଲ ।

ସେମାନେ ହେଲେ କର୍ପୋରେଟର ଅପରୂପ ନାରାୟଣ ରାଉତ, ରଶ୍ମି ରଞ୍ଜନ, ମହାପାତ୍ର, ଦେବାଶିଷ ପ୍ରଧାନ, ସଚିକାନ୍ତ ସ୍ୱାଇଁ, ସଂଜୀବ ମିଶ୍ର ।

ଏହା ପୂର୍ବରୁ ଏହି ଘଟଣାରେ ସମ୍ପୃକ୍ତି ଅଭିଯୋଗରେ ୨୯ ନମ୍ବର ଓ୍ଵାର୍ଡ କର୍ପୋରେଟର ଜୀବନ ରାଉତରାୟ, ରଶ୍ମୀ ମହାପାତ୍ର ଓ ଦେବାଶିଷ ପ୍ରଧାନଙ୍କୁ ଗିରଫ କରାଯାଇଥିଲା।

ସୂଚନା ଯୋଗ୍ୟ; ବିଏମସି ଅତିରିକ୍ତ କମିଶନରଙ୍କୁ ଆକ୍ରମଣ ଘଟଣା ଏବେ ରାଜ୍ୟ ରାଜନୈତିକ ମହଲରେ ଝଡ଼ ସୃଷ୍ଟି କରିଛି।  ଗତକାଲି ବିଏମସି ଅଫିସରେ ଜନଶୁଣାଣି ବେଳେ ଅଫିସ ଭିତରେ ପଶିଥିଲେ ଆକ୍ରମଣକାରୀ ।  ଅତିରିକ୍ତ କମିସନର ରତ୍ନାକର ସାହୁଙ୍କ କଲର ଧରି ଘୋଷାଡିଥିଲେ ଦୁର୍ବୃତ୍ତ।  ରତ୍ନାକର ସାହୁଙ୍କ ଚାମ୍ବରରେ ପଶି ନିସ୍ତୁକ ମାଡ଼ ମାରିଛନ୍ତି । ହଠାତ ୫ଜଣ ଯୁବକ ଚାମ୍ବରରେ ପଶି ରତ୍ନାକର ସାହୁଙ୍କୁ ବିଧା, ଗୋଇଠା ସହ ପ୍ରବଳ ମାଡ଼ ମାରିଥିବା ଭିଡ଼ିଓ ସାମ୍ନାକୁ ଆସିଥିଲା ।