ଟିକେଟ ବୁକିଂ ସରିଛି, ଜୁନ ୪ ସନ୍ଧ୍ୟାରେ ପାଣ୍ଡିଆନ ଛାଡ଼ିବେ ଓଡ଼ିଶା

ଜୁନ ୪ ସନ୍ଧ୍ୟା ୭ ଟାରେ ବିମାନରେ ସବୁଦିନ ପାଇଁ ଓଡ଼ିଶା ଛାଡ଼ି ତାମିଲନାଡୁ ଯିବେ ବିଜେଡି ନେତା ଭିକେ ପାଣ୍ଡିଆନ। ରାତି ୮ ରେ ସେଠି ଓହ୍ଲାଇବେ, ସାଙ୍ଗରେ ବ୍ୟାଗ ମଧ୍ୟ ରହିବ। ପାଣ୍ଡିଆନ ଫ୍ଲାଇଟ୍ ଟିକେଟ ବୁକ୍ କରିବା ସହ ପ୍ରିଣ୍ଟ କରି ରଖିଛି ବିଜେପି। ବିଜେପି ସୋସିଆଲ ମିଡିଆରେ ପୋଷ୍ଟ ହୋଇଥିବା ଏକ ଫ୍ଲାଇଟ୍ ଟିକେଟ ସମସ୍ତଙ୍କୁ ଚକିତ କରିଛି।

ଯେଉଁଥିରେ ଯାତ୍ରୀଙ୍କ ସ୍ଥାନରେ ପାଣ୍ଡିଆନଙ୍କ ନାମ ଲେଖା ରହିଥିବା ବେଳେ ତାରିକ ୪ଜୁନ ୨୦୨୪ ରହିଛି। ବୋର୍ଡିଂ ସମୟ ସନ୍ଧ୍ୟା ୭ ଭୁବନେଶ୍ୱର ବିମାନବନ୍ଦର ଓ ଅବତରଣ ସମୟ ରାତି ୮ ଚେନ୍ନାଇ(ତାମିଲନାଡୁ) ଲେଖା ରହିଛି। ଏବଂ ଫ୍ଲାଇଟ୍ ର ନାମ ବିଜେଡି ଗୋ ରହିଛି। ତେବେ ବିଜେଡି ଏଥର ହରୁଛି ଆଉ ପାଣ୍ଡିଆନ ପ୍ରଭାବ ଶୂନ୍ୟ ହୋଇ ନିଜ ରାଜ୍ୟକୁ ଫେରିଯିବେ ବୋଲି ବିଜେପି ଏଥିରେ ଦେଖାଇବାକୁ ଚେଷ୍ଟା କରିଛି ବିଜେପି। ପୋଷ୍ଟଟି ଜୋରରେ ଭାଇରାଲା ହେବାରେ ଲାଗିଛି।