ଆସାମ ଓ ତାମିଲନାଡୁ ପାଇଁ ନିର୍ବାଚନ ପ୍ରଭାରୀଙ୍କ ନାଁ ଘୋଷଣା କଲା ବିଜେପି । ଆସାମ ପାଇଁ ବୈଜୟନ୍ତ ପଣ୍ଡା ନିର୍ବାଚନ ପ୍ରଭାରୀ ନିଯୁକ୍ତ କରାଯାଇଛି। ସେହିପରି ଜମ୍ମୁ କାଶ୍ମୀର ବିରୋଧୀ ଦଳ ନେତା ସୁନୀଲ କୁମାର ଶର୍ମା ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଦର୍ଶନ ବେନ ଜର୍ରଦ୍ଦୋଶ ସହପ୍ରଭାରୀ ହୋଇଛନ୍ତି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଏହି ନିଯୁକ୍ତି ଦେଇଛନ୍ତି । ୨୦୨୧ ବିଧାନସଭା ନିର୍ବାଚନରେ ମଧ୍ୟ ବୈଜୟନ୍ତଙ୍କୁ ଦଳ ଆସାମ ଦାୟିତ୍ୱ ଦେଇଥିଲା । ଉକ୍ତ ନିର୍ବାଚନରେ ବୈଜୟନ୍ତଙ୍କ ମାର୍ଗ ଦର୍ଶନରେ ଆସାମରେ ବିଜେପି ସରକାରକୁ ଆସିଥିଲା । ସେହିପରି ଦିଲ୍ଲୀ ବିଧାନସଭା ନିର୍ବାଚନରେ ମଧ୍ୟ ବୈଜୟନ୍ତ ବଡ଼ ଭୂମିକା ଗ୍ରହଣ କରିଥିଲେ । ସେଠାରେ ମଧ୍ୟ ଆମ୍ ଆଦମୀ ଦଳକୁ ହରାଇ ବିଜେପି ଶାସନ ଗାଦିରେ ବସିଥିଲା । ସେହିପରି ୨୦୨୪ ଲୋକସଭା ନିର୍ବାଚନରେ ବୈଜୟନ୍ତଙ୍କୁ ଉତ୍ତର ପ୍ରଦେଶର ମତଦାନ କେନ୍ଦ୍ରର ଦାୟିତ୍ୱ ମିଳିଥିଲା । ପୂର୍ବରୁ ତାମିଲନାଡ଼ୁ ଦାୟିତ୍ୱରେ ଥିବା ବୈଜୟନ୍ତଙ୍କ ସ୍ଥାନରେ କେନ୍ଦ୍ର ମନ୍ତ୍ରୀ ପୀୟୁଷ ଗୋଏଲଙ୍କୁ ତାମିଲନାଡ଼ୁ ନିର୍ବାଚନ ପ୍ରଭାରୀ ଭାବେ ନିଯୁକ୍ତ କରାଯାଇଛି । କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ ତାମିଲନାଡୁର ନିର୍ବାଚନ ପ୍ରଭାରୀ ଭାବରେ କାର୍ଯ୍ୟ କରିବେ, ଯେତେବେଳେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ଏବଂ ସାଂସଦ ବୈଜୟନ୍ତ ପଣ୍ଡା ଆସାମ ପାଇଁ ନିର୍ବାଚନ ପ୍ରଭାରୀ ଭାବରେ ନେତୃତ୍ୱ ନେବେ। Post navigation Internet Services back in Malkangiri: ମାଲକାନଗିରିରେ ସ୍ବାଭାବିକ ହେଲା ଇଣ୍ଟରନେଟ୍ ସେବା Hikes Stipend For PG Students ରାଜ୍ୟର ସରକାରୀ ଆୟୁର୍ବେଦିକ୍ ଓ ହୋମିଓପାଥିକ୍ ମେଡିକାଲ କଲେଜରେ ପିଜି ଛାତ୍ରଛାତ୍ରୀଙ୍କ ଷ୍ଟାଇପେଣ୍ଡରେ ବୃଦ୍ଧି
