ବୈଜୟନ୍ତ ପଣ୍ଡା ପାର୍ଲିଆମେଣ୍ଟରୀ କମିଟି ଅନ ପବ୍ଲିକ ଅଣ୍ଡର ଟେକିଂସ ର ଅଧ୍ୟକ୍ଷ ନିଯୁକ୍ତ

ଲୋକସଭା ବାଚସ୍ପତି ଓମ୍ ବିର୍ଲା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡାଙ୍କୁ ପାର୍ଲିଆମେଣ୍ଟରୀ କମିଟି ଅନ ପବ୍ଲିକ ଅଣ୍ଡର ଟେକିଂସ (Parliamentary Committee on Public Undertakings) ର ଅଧ୍ୟକ୍ଷ ଭାବେ ନିଯୁକ୍ତ କରିଛନ୍ତି ।

ଏହି କମିଟିରେ ୧୫ ଜଣ ଲୋକସଭା ସାଂସଦ ଓ ୭ ଜଣ ରାଜ୍ୟସଭା ସଦସ୍ୟ ରହିଛନ୍ତି । ସରକାରଙ୍କ ଆର୍ଥିକ କାର୍ଯ୍ୟକଳାପ ଏବଂ ସରକାରୀ ଉଦ୍ୟୋଗ ଗୁଡ଼ିକର କାର୍ଯ୍ୟକଳାପ ଯାଞ୍ଚ କରିବ ଏହି କମିଟି ।

ବୈଜୟନ୍ତ ପଣ୍ଡା ପବ୍ଲିକ୍ ଅଣ୍ଡରଟେକିଂ କମିଟିର ନେତୃତ୍ୱ ନେଉଥିବା ବେଳେ ବିଜେପିର ସଞ୍ଜୟ ଜୟସ୍ୱାଲ ଆକଳନ କମିଟିର ନେତୃତ୍ୱ ନେବେ ।