ସେପ୍ଟେମ୍ୱର ୪ ତାରିଖରୁ ଭୁବନେଶ୍ବର-ଜୟପୁର ମଧ୍ୟରେ ବିମାନ ସେବା ଆରମ୍ଭ ହେଉଥିବା ନେଇ ଇଣ୍ଡିଆ ୱାନ୍ ଏୟାର କଂପାନି ପକ୍ଷରୁ ସୂଚନା ମିଳିଛି। ସେପ୍ଟେମ୍ୱର ୪ ତାରିଖରୁ ପ୍ରତ୍ୟେକ ସୋମବାର ୨ଟି ଇଣ୍ଡିଆ ୱାନ୍ ଏୟାର ବିମାନ ସକାଳ ୭.୨୦ ମିନିଟ ଏବଂ ୧୧ଟା ୧୫ ମିନିରେ ଉଡ଼ାଣ ଭରିବ । ଏହା ସହ ପ୍ରତ୍ୟେକ ବୁଧବାର ଓ ଶୁକ୍ରବାର ମଧ୍ୟ ସକାଳ ୭.୨୦ ମିନିଟର ଏବଂ ୧୧ଟା ୧୫ମିନିଟରେ ଦୁଇଟି ବିମାନର ସୁବିଧା ପାଇପାରିବେ ଯାତ୍ରୀ। ଏହି ବିମାନର ଟିକେଟର ମୂଲ୍ୟ ମାତ୍ର ୩୫୨୬ ଟଙ୍କା ଧାର୍ଯ୍ୟ କରାଯାଇଛି । ଯାତ୍ରୀମାନେ ଏହି ବିମାନ ସେବା ପାଇବା ପାଇଁ www.indiaoneair.com ରେ ଯାଇ ଟିକେଟ ବୁକିଂ କରିପାରିବେ ଏହା ସହ ବିମାନ ବନ୍ଦରରେ ଥିବା ଇଣ୍ଡିଆ ୱାନ୍ ଏୟାର କାଉଣ୍ଟରରେ ଟିକେଟ ମଧ୍ୟ ଉପଲବ୍ଧ ରହିଛି । ଏଥିସହିତ ଇଣ୍ଡିଆ ୱାନ୍ ଏୟାର ବିମାନରେ ଦିବ୍ୟାଙ୍ଗ ମାନଙ୍କ ପାଇଁ ହୁଏଲ୍ ଚେୟାରର ସୁବିଧା ମଧ୍ୟ ଯୋଗାଇ ଦିଆଯାଉଛି । ଇଣ୍ଡିଆ ୱାନ୍ ଏୟାର ବିମାନ ତରଫରୁ ଅଧିକ ସୂଚନା ପାଇ ହେଲ୍ପ ଲାଇନ ନମ୍ବର ଓ ଇମେଲ ମଧ୍ୟ ଜାରି କରାଯାଇଛି । ହେଲ୍ପ ଲାଇନ ନମ୍ବର ୯୬୫୮୮୮୧୦୭୧ ଓ ଇମେଲ- info@indiaoneair.com ଦ୍ଵାରା ସହାୟତା ଓ ଅଧିକ ତଥ୍ୟ ହାସଲ କରିପାରିବେ ଯାତ୍ରୀ । Post navigation ରାଜ୍ୟରେ ଗତ ୫ ବର୍ଷ ଭିତରେ ଉଦ୍ଧାର ହୋଇଛନ୍ତି ୨୮୩ ଜଣ ଶିଶୁ ଶ୍ରମିକ ପଶ୍ଚିମବଙ୍ଗରେ ପାରିତ ହେଲା ଦୁଷ୍କର୍ମ ବିରୋଧୀ ଅପରାଜିତା ବିଲ୍