ଗିରଫ ହେଲେ ଟଲିଉଡ ସୁପରଷ୍ଟାର ଅଲ୍ଲୁ ଅର୍ଜୁନ। ‘ପୁଷ୍ପା ୨’ ଚଳଚ୍ଚିତ୍ର ସାରା ଦେଶରେ ଧମାଲ୍ କରୁଥିବା ବେଳେ ଏପଟେ ସୁପରଷ୍ଟାର ଅଲ୍ଲୁ ଅର୍ଜୁନଙ୍କୁ ଗିରଫ କରିଛି ହାଇଦ୍ରାବାଦ ପାଲିସ । ଦଳାଚକଟାରେ ମହିଳାଙ୍କ ମୃତ୍ୟୁ ମାମଲାରେ ଗିରଫ କରାଯାଇଛି। ପୂର୍ବରୁ ତାଙ୍କ ବିରୋଧରେ ବିଏନଏସର ଧାରା ୧୦୫ ଓ ୧୧୮ରେ ମାମଲା ରୁଜୁ କରିଥିଲା ପୁଲିସ୍।
ସୂଚନାଯୋଗ୍ୟ; ଡିସେମ୍ବର ୪ ତାରିଖ ଦିନ ହାଇଦ୍ରାବାଦରେ ‘ପୁଷ୍ପା ୨’ର ପ୍ରିମିୟର ଶୋ’ ବେଳେ ହାଇଦ୍ରାବାଦର ଏକ ସିନେମା ହଲରେ ଦଳାଚକଟା ହୋଇଥିଲା । ଏହି ଦଳାଚକଟାରେ ଜଣେ ୩୫ ବର୍ଷୀୟା ମହିଳାଙ୍କ ମୃତ୍ୟୁ ହୋଇଥିବା ବେଳେ ବହୁ ଦର୍ଶକ ଆହତ ହୋଇଥିଲେ । ତେବେ ଅଲ୍ଲୁ ଅର୍ଜୁନ ପୂର୍ବ ସୂଚନା ନ ଦେଇ ହଲରେ ପହଞ୍ଚିଯିବାରୁ ଏଭଳି ଦଳାଚକଟା ହୋଇଥିବା ହାଇଦ୍ରାବାଦ ପୋଲିସ ପକ୍ଷରୁ କୁହାଯାଇଛି । ଏହି ଘଟଣାରେ ପୋଲିସ ଅଲୁ ଅର୍ଜୁନ ଓ ଥିଏଟର କର୍ତ୍ତୃପକ୍ଷଙ୍କ ବିରୋଧରେ ମାମଲା ରୁଜୁ କରିଥିଲା ।
ଏହା ପରେ ଅଲ୍ଲୁ ଅର୍ଜୁନ ଏହି ଘଟଣା ପରେ ପୀଡିତାଙ୍କ ପରିବାରକୁ ସପୋର୍ଟ କରିଥିଲେ। ଦୁର୍ଘଟଣାକୁ ନେଇ ଦୁଃଖ ପ୍ରକାଶ କରି ପୀଡିତାଙ୍କ ପରିବାରକୁ ଆର୍ଥିକ ସହାୟତା ମଧ୍ୟ କରିଥିଲେ। ଅଲ୍ଲୁ ଅର୍ଜୁନ ପୀଡିତାଙ୍କ ପରିବାରକୁ ୨୫ ଲକ୍ଷ ଟଙ୍କା କ୍ଷତିପୂରଣ ଦେବାର ମଧ୍ୟ ଘୋଷଣା କରିଥିଲେ।