ବାହୁଡା ଯାତ୍ରା ବେଳେ ଅଘଟଣ; ରଥରେ ଚାପି ହୋଇ ୬ ଆହତ 

ବାହୁଡା ଯାତ୍ରା ବେଳେ ଅଘଟଣ । ସୁବର୍ଣ୍ଣପୁର ଜିଲ୍ଲା ବିନିକା ସହରର କଂସାରୀପଡ଼ାରେ ବାହୁଡା଼ ଯାତ୍ରା ସମୟରେ ଠେଲା ପେଲାରେ ୬ ନାବାଳକ ଆହତ ହୋଇଛନ୍ତି । ସମସ୍ତଙ୍କୁ ମେଡ଼ିକାଲ୍‌ରେ ଭର୍ତ୍ତି କରାଯାଇଥିବା ବେଳେ ଗୁରୁତର ଥିବା ଜଣେ ନାବାଳକ ବୁର୍ଲାକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି।

ସୂଚନା ଅନୁସାରେ,ବାହୁଡା ଯାତ୍ରାରେ ବଳଭଦ୍ର ଓ ସୁଭଦ୍ରାଙ୍କ ରଥ ଟଣା ଚାଲିଥିବା । ଆଉ ଠିକ୍ ଏତିକି ବେଳେ ମହାପ୍ରଭୁଙ୍କ ବାହୁଡା଼ଯାତ୍ରା ଦେଖିବା ପାଇଁ ପ୍ରବଳ ଭକ୍ତଙ୍କ ସମାଗମ ହୋଇଥିଲା । ଏହି ସମୟରେ ଠେଲା ପେଲାରେ ରଥତଳେ ଚାପିହୋଇ ଯାଇଥିଲେ ୬ ଜଣ ନାବାଳକ । ସଙ୍ଗେ ସଙ୍ଗେ ସମସ୍ତଙ୍କୁ ଉଦ୍ଧାର କରାଯାଇ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଜଣେ ନାବାଳକ ଗୁରୁତର ଅବସ୍ଥାରେ ବୁର୍ଲା ସ୍ଥାନ୍ତାନ୍ତରିତ କରାଯାଇଛି।