ବିହାର ରାଜନୀତିରେ ମଙ୍ଗଳବାର ଦିନ ଏକ ଐତିହାସିକ ଯୁଗର ଅବସାନ ଘଟିଛି । ନୀତିଶ କୁମାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ନୀତିଶ କୁମାର ରାଜ୍ୟପାଳଙ୍କୁ ଇସ୍ତଫାପତ୍ର ପ୍ରଦାନ କରିଛନ୍ତି । ନୀତିଶ କୁମାର ଦଶନ୍ଧି ଧରି ରାଜ୍ୟ କ୍ଷମତାର କେନ୍ଦ୍ରବିନ୍ଦୁ ହୋଇ ରହିଛନ୍ତି । ପୂର୍ବରୁ ସର୍ବାଧିକ ଥର ମୁଖ୍ୟମନ୍ତ୍ରୀ ଭାବେ ଶପଥ ନେବାର ରେକର୍ଡ କରିଥିଲେ ନୀତିଶ କୁମାର । ଏତେଦିନ ବିହାର ଲୋକମାନେ ତାଙ୍କୁ ସେବା କରିବାର ସୁଯୋଗ ଦେଇଥିବାରୁ ସେ ବିହାରବାସୀଙ୍କୁ ଧନ୍ୟବାଦ ଦେଇଛନ୍ତି । ଇସ୍ତଫା ପରେ ତାଙ୍କର ପ୍ରଥମ ବିବୃତ୍ତିରେ ନୀତିଶ କୁମାର ନୂତନ ସରକାରଙ୍କୁ ପୂର୍ଣ୍ଣ ସମର୍ଥନ ରହିବ ବୋଲି ଘୋଷଣା କରିଥିଲେ । ଇସ୍ତଫା ଦେବା ପୂର୍ବରୁ ନୀତିଶ କୁମାର ଶେଷ କ୍ୟାବିନେଟ୍ ବୈଠକର ସଭାପତିତ୍ୱ କରିଥିଲେ, ଯେଉଁଠାରେ ବର୍ତ୍ତମାନର ସରକାରକୁ ଭଙ୍ଗ କରିବା ପାଇଁ ଆନୁଷ୍ଠାନିକ ନିଷ୍ପତ୍ତି ନିଆଯାଇଥିଲା । ସୂଚନାଯୋଗ୍ୟ, ବିଜେପି ନେତା ସମ୍ରାଟ ଚୌଧୁରୀ ବିହାରର ମୁଖ୍ୟମନ୍ତ୍ରୀ ହେବେ । ଆସନ୍ତାକାଲି ସେ ବିହାରର ମୁଖ୍ୟମନ୍ତ୍ରୀ ଭାବେ ଶପଥ ନେବେ । ସମ୍ରାଟ ଚୌଧୁରୀଙ୍କୁ ବିଜେପି ବିଧାୟକ ଦଳର ନେତା ନିର୍ବାଚିତ କରାଯାଇଛି । ପ୍ରଥମ ଥର ପାଇଁ ବିଜେପି ବିହାରରେ ନିଜର ମୁଖ୍ୟମନ୍ତ୍ରୀ ପାଇବାକୁ ଯାଉଛି । Post navigation Lok Sabha Seats Increase: ସଂପ୍ରସାରଣ ହେବ ଲୋକସଭା ଆସନ; ୮୫୦କୁ ବୃଦ୍ଧି ପାଇଁ ପ୍ରସ୍ତାବ Vedanta Blast in Chhattisgarh: ଛତିଶଗଡ଼ର ବେଦାନ୍ତ ପାୱାର ପ୍ଲାଣ୍ଟରେ ବିସ୍ଫୋରଣ; ୧୨ ମୃତ, ଅନେକ ଆହତ
