୨୦୩୬ ଅଲିମ୍ପିକ୍ସ ନେଇ ଆଶାୟୀ ଭାରତ; ଓଡ଼ିଶାରେ ହେଇପାରେ ହକି ଇଭେଣ୍ଟ

୨୦୩୬ ଅଲିମ୍ପିକ୍ସ ଆୟୋଜନ ନେଇ ଆଶାୟୀ ଭାରତ । କିଛି ଗଣମାଧ୍ୟମରେ ଅହମ୍ମଦାବାଦକୁ ୨୦୩୬ ଅଲିମ୍ପିକ୍ସର ହୋଷ୍ଟ ସିଟି ମିଳିବା ନେଇ ଚର୍ଚ୍ଚା ହେଉଥିବାବେଳେ ଓଡ଼ିଶାରେ ୨୦୩୬ ଅଲିମ୍ପିକ୍ସ ହକି କୁ ନେଇ ରାଜ୍ୟବାସୀଙ୍କ ମନରେ ଆଶା ବଢ଼ିଛି ।

ଅହମ୍ମଦାବାଦରେ କ୍ରୀଡ଼ା ଭିତ୍ତିଭୂମି ପାଇଁ ୬୦୦୦ କୋଟି ବ୍ୟୟ ଲକ୍ଷ୍ୟ ରଖିଛନ୍ତି କେନ୍ଦ୍ର ସରକାର । ଅହମ୍ମଦାବାଦ ହୋଷ୍ଟ ସିଟି ହେଲେ ଭୁବନେଶ୍ୱରକୁ ମିଳିବ ହକି ଇଭେଣ୍ଟ । ମୁମ୍ବାଇକୁ କ୍ରିକେଟ, ପୁଣେକୁ କାୟାକିଂ ଇଭେଣ୍ଟ ମିଳିବା ସମ୍ଭାବନା ମଧ୍ୟ ରହିଛି ।

ସୂଚନାଯୋଗ୍ୟ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତରେ ୨୦୩୬ ଅଲିମ୍ପିକ୍ସ ଆୟୋଜନ ନେଇ ୨୦୨୩ ରେ ମୁମ୍ବାଇରେ IOC ବୈଠକରେ ପ୍ରସ୍ତାବ ରଖିଥିଲେ ।

୨୦୩୬ ଅଲିମ୍ପିକ୍ସ ଭାରତରେ ଆୟୋଜନ ପାଇଁ ଅନ୍ତର୍ଜାତୀୟ ଅଲିମ୍ପିକ୍ସ କମିଟି IOC ଫ୍ୟୁଚର ହୋଷ୍ଟ କମିଶନଙ୍କୁ ଭାରତୀୟ ଅଲିମ୍ପିକ ସଂଘ (IOA) ଚିଠି ଲେଖିଥିଲା ।