ଖାଦ୍ୟ ଅଭାବ ରୁ ତେନ୍ତୁଳି ମଞ୍ଜି ଖାଇବାକୁ ବାଧ୍ୟ ହେଉଛନ୍ତି ଡଙ୍ଗରିଆ ଆଦିବାସୀ

କନ୍ଧମାଳ ଜିଲ୍ଲାରେ ଆମ୍ବ କୋଇଲି ଜାଉ ଖାଇ ମୃତ୍ଯୁ ଘଟଣା ରାଜନୈତିକ ମହଲରେ ବିତର୍କ ସୃଷ୍ଟି କରିଥିବାବେଳେ ରାୟଗଡ଼ାରେ ପର୍ଯ୍ୟାପ୍ତ ପରିମାଣର ଖାଦ୍ୟଶସ୍ୟ ଉପଲବ୍ଧ ନ ଥିବାରୁ ଦୁର୍ବଳ ଜନଜାତି ଗୋଷ୍ଠୀ (ପିରିଟିକି) ଡଙ୍ଗରିଆ ଆଦିବାସୀମାନଙ୍କ ତେନ୍ତୁଳି ମଞ୍ଜି ଖାଇବା ଜାରି ରହିଛି ।ଜିଲ୍ଲାର ଆଦିବାସୀମାନେ, ଅଧିକାଂଶ ନିୟମଗିରି ପାହାଡ଼ରେ ରହୁଥିବା ଡଙ୍ଗରିଆମାନେ ତେନ୍ତୁଳି ମଞ୍ଜି ଏବଂ “ସଲାପ ଗଛର କନ୍ଦ ଖାଇଥାନ୍ତି ।
ଡଙ୍ଗରିଆମାନେ ଜଙ୍ଗଲଜାତ ଦ୍ରବ୍ୟ ଏବଂ ସ୍ଥାନାନ୍ତର ଚାଷରେ ଜୀବିକା ନିର୍ବାହ କରୁଥିଲେ ଏବଂ କିଛିଦିନ ମଜୁରିଆ ଭାବରେ ମଧ୍ୟ କାମ କରୁଥିଲେ। ହେଲେ ଏବେ ଜଙ୍ଗଲଜାତ ଦ୍ରବ୍ୟ କମିବା ସହ ଚାଷ କାମ ବନ୍ଦ ହୋଇଯାଇଛି । ଘରେ କାମ ନ ଥିବାରୁ ବିଶେଷଭାବେ ପିରିଟିକିର ସଦସ୍ୟମାନେ ଅନ୍ୟ ରାଜ୍ୟକୁ ପଳାଉଛନ୍ତି ।

ପିରିଟିଜିର କଲ୍ୟାଣକାରୀ ଯୋଜନା ପାଇଁ କେନ୍ଦ୍ର ହେଉ କି ରାଜ୍ୟ ସରକାର କୋଟି କୋଟି ଟଙ୍କା ଖର୍ଚ କରୁଛନ୍ତି, କିନ୍ତୁ ପିରିଟିଜିର ସ୍ଥିତିରେ ସୁଧାର ଆସିନାହିଁ ଯାହା ସେମାନଙ୍କୁ ଅନ୍ୟ ରାଜ୍ୟ ଉପରେ ନିର୍ଭର କରିବାକୁ ବାଧ୍ୟ କରୁଛି। ଜୀବିକା ନିର୍ବାହ କରିବାକୁ ବର୍ତ୍ତମାନ କୌଣସି କାମ ମିଳୁନାହିଁ । ପିଡିଏସ୍ ଚାଉଳରେ ଆମେ କୌଣସି ପ୍ରକାରେ ଖିଆପିଆ କରିଥାଉ । ପ୍ରତ୍ୟେକ ହିତାଧିକାରୀଙ୍କୁ ମାସକୁ ୫ କେଳି ଚାଉଳ କିନ୍ତୁ ସେତିକି ଚାଉଳ ଦୁଇ ଓଳା ପାଇଁ ଯଥେଷ୍ଟ ନୁହେଁ | ତେଣୁ ସେମାନେ ବାଧ୍ୟ ହୋଇ କନ୍ଦା, କଳାପ ଏବଂ ତେନ୍ତୁଳି ମଞ୍ଜି ଭଳି ଅଖାଦ୍ୟ ଖାଉଛନ୍ତି ଓ ପେଟ ଜନିତ ରୋଗ ରେ ଆକ୍ରାନ୍ତ ହେଉଛନ୍ତି |

ନିୟମଗିରି ଗ୍ରାମବାସୀଙ୍କ ମଧ୍ୟରେ ନାଳ ଓ ଝରଣାରୁ ପାଣି ପିଇବା ଏକ ସାଧାରଣ କଥା ହୋଇଥିଲେ ହେଁ ପ୍ରଶାସନ ସବୁବେଳେ ଏହି ଅଞ୍ଚଳ ଓ ଏହାର ବାସିନ୍ଦାଙ୍କର ଏକ ଗୋଲାପୀ ଚିତ୍ର ଉପସ୍ଥାପନ କରିଆସୁଛି ।

କର୍ତ୍ତୃପକ୍ଷ ୨୦୨୬ ମସିହାରୁ ଡଙ୍ଗରିଆ କନ୍ଧ ଉନ୍ନୟନ ପକ୍ଷ ଗାଁରେ କଲ୍ୟାଣକାରୀ ଯୋଜନାରେ ୨୪ କୋଟି ଟଙ୍କା ଖର୍ଚ କରିଥିଲେ ମଧ୍ୟ ବାସୀମାନେ ଏବେବି ଦୁର୍ଦ୍ଦଶାରେ ଜୀବନ ବିତାଇଛନ୍ତି। । ଦୁଇ ଦଶନ୍ଧି ତଳେ ରାୟଗଡ଼ାରେ ମଧ୍ୟ ଆମ୍ବ କୋଇଲି ଜାଉ ଖାଇ ମୃତ୍ୟୁ ଘଟିଥିଲା। ଯଦିଓ ନିକଟରେ ଜିଲ୍ଲାରେ ଏଭଳି କୌଣସି ଘଟଣା ସାମ୍ନାକୁ ଆସିନାହିଁ, ତଥ ତଥାପି ସଲପ କନ୍ଦରେ ନିର୍ମିତ ଜାଉ ତଙ୍ଗରିଆମାନଙ୍କ ପାଇଁ ଏକ ଗମ୍ଭୀର ବିପଦ ସୃଷ୍ଟି କରିଛି।